Dünyada biliklərin əksər hissəsi ya birbaşa yolla, ya da bu gün bəşəriyyətin əksəriyyətinə xas olan vasitəçilərin köməkliyi ilə ötürülür. Google və Wikipedia "Bilmirəm" sözünü köhnəlmiş hesab edirlər. İnternet maraqlanma səviyyəsini və ömür boyu təhsil imkanlarını sürətləndirir. Əla proqram və təcrübəli pedaqoqlardan yararlanma imkanı hər bir şəxs üçün əlçatmaz sayılmır. Birçox universitet kursları (MOOCs: kütləvi açıq onlayn kursları) və TED, Coursera və Kan Akademiya kimi müstəqil təhsil sistemlərinə İnternetdə çıxış azaddır. Facebook-da Mark Suserberqin rəhbərliyi altında komanda İnternetə ümumi çıxış üçün yüksək aerostat şəbəkəni yaratmaq məqsədilə yer kürəsində hər bir şəxsin Google Loon layihəsindən istifadəsini təmin edir. Noutbuk və smartfonların qiyməti düşməkdədir. Lakin, bütün dünyada təhsili təkmilləşdirmək məqsədilə bütün bu resursları uğurla tətbiq etmək üçün böyük səylər tələb olunur. 

UNESCO-nun məlumatlarına görə gənclər arasında savadlılıq səviyyəsi 1990-cı ildəki 83,4%-dən 2011-ci ilə 89,5%-ə yüksəlmişdir; bu zaman böyüklər (15 yaşdan yuxarı) arasında savadlılıq səviyyəsi 1990-cı ildəki 75,7%-dən 2011-ci ilə 84,1%-ə yüksəlmişdir. UNESCO-nun qiymətləndirmələrinə görə 2015-ci ilə əhalinin böyük yaşlı hissəsinin savadlılıq səviyyəsi 86%-ə, gənclər arasında isə savadlılıq səviyyəsi 92%-ə yüksələcək. Məktəbəqədər təhsil müəssisələrini bitirən şəxslərin səviyyəsi 1999-cu ildəki 112 milyondan 2010-cu ildəki 164 milyona qalxmışdır. İbtidai təhsil müəssisələrini bitirən şəxslərin səviyyəsi 2000-ci ildəki 53%-dən 2010-cu ildə 62,5%-ə qalxmışdır. Məktəb yaşlı uşaqların faizi  1999-cu ildəki 9,3%-dən 2011-ci ildə 90,3%-ə qalxmışdır. Ali təhsil müəssisələrini bitirən şəxslərin səviyyəsi 2000-ci ildəki 19%-dən 2010-cu ildə 30%-ə qalxmışdır. Bununla belə, orta məktəblərin aşağı sinfində təhsil almalı olan 71 milyon uşaq  məktəbə getmir. UNESCO-nun məlumatlarına görə Pakistanda Talibanların qətlə yetirmək istədikləri Malala Yousafzai yenə də hazırda dünyanın münaqişə zonalarında yaşayan 28,5 milyon aşağı sinif şagirdinin təhsilə çıxışını təmin etməyə çağırır. Məktəbə getməyən şagirdlərin faizinin aşağı düşməsinə baxmayaraq, 2002-ci ildən təməli qoyulmuş baza təhsilinə beynəlxalq yardımın 2012-ci ildə azalması səbəbindən son onillikdə əhalinin sayının artması səbəbindən bu problem hələ də aktual olaraq qalır.

AB, ABŞ, Çin, İsrail və Yaponiya beynin tədqiq edilməsi üçün iri elmi-tədqiqat layihələrinə malikdirlər. Gələcəkdə əldə olunacaq nəticələr insan beyninin xəstəliyi problemlərinin aradan qaldırılmasına, beyninin işinin yaxşılaşdırılmasına, daha yaxşı kompüter layihələrinin işlənib hazırlanmasına, eləcə də yeni beyin və kompüter arasında qarşılıqlı fəaliyyətə gətirib çıxarda bilər.  idrakı elm sahəsində əldə olunan nailiyyətlər müəllimlərin hazırlanması prosesinə və tədris sistemlərinə inteqrasiya edilməlidir. Google personal intellektual idarəetmə sisteminin inkişaf etdirilməsinin köməkliyi ilə intellekti artırmağı planlaşdırır. Bilik və ictimailəşmənin əldə edilməsinə əlavə olaraq Təhsil nazirlikləri  təhsilin milli məqsədi kimi idrakı elmdə və beynin tədqiqatında nailiyyətlərin öyrənilməsini sürətləndirə biləcək intellektin artırılması yollarını aramalıdırlar. IQ testlərinin nəticələri bütün dünyada əlli ildən çox müddətdir ki, artmaqdadır, bəşəriyyətin daha da ağıllı olub-olmadığı bəlli deyil, lakin ən azı qiymətlər azalmır.

Kompüter və təhsilin birləşdirilməsi fundamental şəkildə dəyişməkdədir. Mur Qanunu növbəti onillikdə və ya təxminən bu müddət ərzində qüvvədə qalacaq, portativ intellektual qurğular insan beyninə güclü təsir göstərə biləcək. insanlar ayrı-ayrı şəxslərin bütün ömürləri boyu ehtiyaclarını ödəmək üçün yaratdıqları virtual real interfeyslərin köməkliyi ilə "dəqiq və vaxtında bilik" əldə edə biləcəkləri dünya biliklərinə çıxış əldə etməlidirlər.

Mövhumat  və nifrətin bütün formalarının ləğv edilməsi məqsədi güdən proqramlarla yanaşı insanların gündən-günə artan qeyri-sabit  durumlardan və / və ya psixi xəstəliklər məngənəsindən qurtarmağa yönəldilmiş ayrı-ayrı proseslərin durmadan qiymətləndirilməsi getdikcə daha zəruri hala çevrilən sevgi ilə dolu olan daha gözəl dünyanın bərqərar olmasına gətirib çıxarda bilər, belə ki, destruktiv texnologiyalar fiziki şəxslər üçün daha əlçatan olmuşdur.

Beyin və ya intellektin daha yaxşı işləməsi kombinə edilmiş, yaxşılaşdırılmış qida, təfəkkürün inkişafı, intellektin artırılması (plasebo effekti), şərhlərə reaksiya verilməsi, ətraf mühitə davamlı sevgi ilə, İnternet vasitəsilə ağıllı insanlarla təmasla, beyin üçün dərman preparatlarının təkmilləşdirilməsi, proqram təminatı və oyunlar, İnternet-memilər (intellekt baxımdan seksuallıq) ilə, diqqəti və məhsuldarlığı artıran müəyyən musiqi, rəng və rayihənin köməkliyi ilə  aşağı stresslə artırıla bilər.  İnsan beyninin qismən proqramlaşdırılması və digər metodlar şəxsi intellekt və uzunömürlülüyün artırılmasına gətirib çıxardacaq. Gələcəkdə beyinlər genetik baxımdan genişləndirilə və sintetik biologiya vasitəsilə beynin zədələnmiş hissələrinin bərpa edilməsi və hüceyrələrin daha effektiv şəkildə işləməsinə gətirib çıxarda bilər. Geniş imkanlı kommunikasiyaların köməkliyi ilə biliklərin artırılması və tədris innovasiyaları və konsepsiyalarından istifadə, cəmiyyətin fərdi və kollektiv intellektini artırıla bilər.

Tarix boyu erkən tənzimləyicilər arasında əldə edilən nailiyyətlər yüksək xərclər  tələb edə bilər. Qeyri-sabit şəraitə yol açan bilik / intellektdə yaranan  təhlükəli çatışmazlıqların aradan qaldırılması üçün ciddi səylər göstərilməlidir. Siyasətçilər bu cür yeni səlahiyyətlərdən geniş şəkildə demokratik istifadələrin genişləndirilməsi üsullarını işləyib hazırlamalı, lakin başqaları tərəfindən bu cür səlahiyyətlərdən sui-istifadə hallarına yol verməməlidirlər. Gələcəkdə texnoloji baxımdan böyük miqyasda genişlənən, yaxud az genişlənən sahələr yarana bilər. Son illər ərzində, rəqəmsal fərqliliklər azalmağa başlamış, əks əlaqələrə çıxış, şəffaflıq və onların yayılması bu problemləri həll edə bilər. Maarifləndirici bazarlar genişləndiyindən, texnoloji və tədris konstruksiyaların məbləği aşağı düşməli,  bahalı çıxışdan daha universal çıxışa sərf edilən vaxtı azaltmalıdır.

Regional Mülahizələr (hazırda tədqiqatlar aparılır)

Afrika:  Afrikada məktəblərdə dərsə davamiyyət 1999-cu illə müqayisədə 33% artmış, lakin dünyada məktəblərə getməyən uşaqların ümumi faizinin 43%-i Afrikanın payına düşür. Region savadlılıq baxımından ən aşağı göstəricilərə malikdir, gənclər arasında savadlılıq səviyyəsi 70%, böyüklər arasında isə orta faiz dərəcəsi 2011-ci ildə 59% təşkil etmişdir, bu göstərici Qvineyada 25%-dən Ekvatorial Qvineyada 94%-dək tərəddüd edir. Subsaha Afrikasında ildə təxminən 10 milyon şagird məktəbi tərk edir. Ayrı-ayrı məktəblərdə qızlar üçün sanitar qovşaqlar təmin edildiyi zaman onların dərsə davamiyyəti artır. İƏİT ölkələri üçün idrakı və mobil texnologiyaların yeni əlavələrinin tətbiq edilməsi zəruridir; Afrika üçün Açıq Təhsil Resursları heç bir lisenziya ödənişləri olmadan Afrikada bu cür əlavələrə çıxışı mümkün edir və bu əlavələri lazım gəldikdə yükləmək və mobil telefonlarında istifadə etmək mümkündür. Uşaqlara Yardım Fondu məktəblərdə daimi sanitar qovşaqlarının inşasının Cənubi Sudan məktəblərində dərslərə davamiyyətin artmasına gətirib çıxartdığını göstərmişdir.  Gənclərin beyninin inkişafı üçün dəmir və zülalla zəngin yeməklər birlikdə qəbul edilməlidir. Uşaqların zülallı qidalar qəbul etmələrinin əsas səbəblərindən biri onunla izah olunur ki, çox vaxt onlar zülal və dəmirlə zəngin olmayan qarğıdalı, proso və ya manioka məmulatları qəbul edirlər və onlar bu yeməklərdə fərq qoymaq üçün o qədər də böyük deyillər. Buna görə də bu məhsullarda zülal və dəmirin kifayət qədər olması beynin inkişafına kömək edə bilər. 

Asiya və Okeaniya: 

Cənubi və Qərbi Asiyada yaşlı əhalinin savadlılıq səviyyəsi 63%, Şərqi Asiya və Sakit Okean hövzəsi - 95%, Mərkəzi Asiyada isə - 100% təşkil edir. Gənclər arasında savadlılıq dərəcəsi ən yüksək səviyyədə Cənubi və Qərbi Asiyada mövcuddur və 81% təşkil edir. Samsung İqtisadi Tədqiqatlar İnstitutu söyləyir ki, Seulda 70% Cənubi Koreyalı ailə övladlarının özəl təhsil almalarına böyük miqdarda vəsait sərf edir.  Mintel Group-un apardığı tədqiqatda isə deyilir ki, çində orta təbəqəyə aid ailələrin övladlarının 90%-i dərsdənkənar ödənişli təhsil proqramlarında iştirak edirlər və 87% çinli valideyn əlavə xarici təhsilə görə ödəniş etməyə hazırdır.

Avropa: Bütün Avropada gənclər və böyüklər arasında savadlılıq səviyyəsinin təxminən 99% olmasına baxmayaraq, 14 milyon Avropa gənci məktəbə, yaxud işə getmir. AB-nın Perspektiv Texnoloji Tədqiqatlar İnstitutu açıq təhsil resurslarından necə istifadə etməyi və 2030-cu ilədək təhsil ssenarilərinin təqdim edilməsini izah edən Avropada Açıq Təhsil Resursları (OEREU) layihəsini həyata keçirir.

Latın Amerikası:  UNESCO büdcədə ixtisar səbəbindən regionda nüfuzunu itirməkdədir. Keçmiş sosialist ölkələrində təhsil sistemləri beynəlxalq standart və test yoxlamalarına üstünlük vermirlər, lakin eyni zamanda bazara çıxış əldə etmək istəyən ölkələr isə bu standartlardan istifadə etməyə çalışırlar.  Pulsuz sorğu və yeni ideya və həqiqət axtarışı növbəti nəslin təhsili ilə bağlı ideoloji müharibəni azalda bilər. Kapital axını və dövlət büdcəsində edilən ixtisarlar bir tələbənin təhsilinə sərf edilən büdcəyə də öz təsirini göstərir. Təhsilə İnternet bazasında yeni təhsil sistemlərinin tətbiq edilməsi vacib məsələdir. Uruqvay bütün uşaqları İnternetə çıxışla təmin etməyə çalışır. Böyüklər arasında savadlılıq səviyyəsi 1990-cı ildəki 86%-dən 2011-ci ildə 92%-ə yüksəlmiş və bu zaman gənclər arasında savadlılıq (15-24 yaş arası) 1990-cı ildəki 93%-dən 2011-ci ildə 97%-ə yüksəlmişdir.

Şimali Amerika:  Milli Tədqiqat İttifaqının bu yaxınlarda etdiyi məruzədə o, şagirdlərin elmi təfəkkürlərinin və elmi eksperimentlər aparmaq qabiliyyətlərinin testdən keçirilməsinə daha çox diqqət ayrılmasını tövsiyə etmişdir. 2000-ci ildən 2010-cu ilədək oxu və riyaziyyat üzrə faiz, eləcə də Amerikanın ali təhsil ocaqlarını bitirmiş məzunların faizi  1970-2000-ci illəri əhatə edən  faizdən yuxarı olmuşdur, buna baxmayaraq ABŞ-ın beynəlxalq reytinqi aşağı olaraq qalır. Getdikcə daha çox insanın MOOCS-yə (Kütləvi Açıq Onlayn Kursları) çıxış əldə etmələrinə baxmayaraq, Pensilvaniya Universitetinin apardığı tədqiqat göstərmişdir ki, orta hesabla 4% tələbə kursu bitirir; lakin,  tələbələr cüzi əlavə infrastruktur və ya kapital xərcləri ilə kursu bitirirlər. Kanada milli Təhsil Nazirliyi olmayan yeganə ölkədir, belə ki, təhsil əyalət yurisdiksiyasına aiddir. Aili təhsil ocaqlarının məzunlarının sayı və ixtisası və əmək bazarının tələbatı arasında milli səviyyədə statistik məlumat və əlaqələndirmə çatışmazlığı duyulur. Bununla yanaşı, Universitetdə təhsil haqqı artır, və məzunlar sonda kursları yüksək borc məbləği  və işədüzəlmə ilə bağlı pərişanlıq hissi ilə başa vururlar. Aşağıda təqdim edilən cədvəl Beynəlxalq Minillik Layihəsi Qrupu tərəfindən 2030-cu ilə təhsil və tədris imkanları ehtimalını göstərir.

Yuxarıda göstərilən şkala üzrə reytinq  2030-cu ilə baş verə biləcək ehtimalın 50%-nin mövcud olduğunu göstərir, başqa sözlə, bu eyni ehtimal səviyyəsi ilə baş verə bilər. Göstərilən variantlardan hansının müsbət və ya mənfi olduğunun, eləcə də onun baş verməsinə kimin yardım edəcəyinin və onun yaranmasına kimin maneə ola biləcəyinin qiymətləndirilməsi Beynəlxalq Fyuçer İnformasiya Sistemlərində verilir.