"GƏLƏCƏK NƏSİLLƏRLƏ ÜZ-ÜZƏ"

Azərbaycan Respublikası Rabitə və Yüksək Texnologiyaları Nazirliyi

Azərbaycan Respublikası Təhsil Nazirliyi

Azərbaycan Respublikası Gənclər və İdman Nazirliyi

Azərbaycan Respublikası Ailə, Qadın və Uşaq Problemləri üzrə Dövlət Komitəsi

Minilliyin Layihəsinin Azərbaycan Bölməsi (Azərbaycan Futuroloqlar Cəmiyyəti)

“GƏLƏCƏK NƏSİLLƏRLƏ ÜZ-ÜZƏ”

6-cı Ümumrespublika İnşa Müsabiqəsinin

T Ə L İ M A T I

I. Müsabiqənin Məqsədi

1.1. Qloballaşma şəraitində inkişaf edən Azərbaycan gənclərinin dünyada baş verən müxtəlif proseslərin bir-bir ilə əlaqəli olduğunun və bunun özlərinin gələcəyinə təsir edəcəyini başa düşməsi;

1.2. Dünyada baş verən siyasi, iqtisadi, demoqrafik, ekoloji, texnoloji və digər dəyişiklərlə əmələ gələn yeni həyat qanunlarına uyğunlaşmalı olduğunun başa düşməsi;

1.3. İnformasiya texnologiyalarının insan həyatının müxtəlif sahələrinə təsir edici və tənzimləyici qüvvəsi artdıqca fərdlərin imkanlarının başa düşməsi;

1.4. Qlobal dəyişiklilərdən irəli gələn tələblərə uyğunlaşmaqla sağlam və münaqişəsiz gələcəyin qorunub saxlanması və daha da yaxşılaşdırılması üçün gənclərin müvafiq tərzdə tərbiyə edilməsi.

II. Müsabiqənin İştirakçıları

2.1. “Gələcək Nəsillərlə Üz-Üzə” 6-cı Ümumrespublika İnşa Müsabiqəsi iki kategoriyada olan iştirakçılar arasında aparılır:

· Azərbaycan Respublikasının orta məktəblərinin 9-11-ci sinif şagirdləri;

· Azərbaycan Respublikasının ali təhsil müəssisələrinin bakalavr və magistr pilləsində oxuyan tələbələri.

III. Müsabiqənin Mövzuları

3. Müsabiqəyə təqdim edilən inşa yazısı Minilliyin Layihəsinin (www.millennium-project.org) 15 Qlobal Çağırışlarına uyğun aşağıdakı mövzulardan birinə aid olmalıdır:

3.1. Hər kəs üçün mümkün olan dayanıqlı inkişaf;

3.2. Hər kəs üçün, münaqişəsiz, kifayət qədər təmiz su;

3.3. Əhalinin artımının mövcud olan resurslarla balansa gətirilməsi;

3.4. Demokratiyanın yayılması;

3.5. Qlobal uzaqgörənlik və qərar qəbul edilməsi;

3.6. İKT-nin Qlobal Konvengensiyası;

3.7. Cəmiyyətdə mülkiyyətlə bağlı təbəqələşmə;

3.8. Sağlamlığa təhlükə;

3.9. Təhsil;

3.10. Dünya və münaqişə;

3.11. Qadınların Statusu;

3.12. Transmilli Cinayətkarlıq;

3.13. Enerji;

3.14. Elm və texnologiya;

3.15. Qlobal Etika

IV. Müsabiqədə İştirak

4.1. İstənilən 9-11-ci sinif şagirdi və ali təhsil müəssisəsinin bakalavr və magistr pilləsində oxuyan tələbəsi yuxarıda 3-cü bənddə (3.1-dən 3.15-dək) sadalanan mövzulardan birisi üzrə inşa yazısını Müsabiqəyə təqdim edə bilər.

4.2. Bir iştirakçı iki və daha çox mövzu üzrə inşa yazısı təqdim edə bilər (seçilmiş mövzuların sayına uyğun sayda). Bir inşada isə iki və artıq mövzuların birləşdirilməsi yolverilməzdir.

4.3. İnşalar hazırkı Təlimatda göstərilən inşanın yazılması şərtlərinə və tələblərinə riayət etməklə yazılmalı və müsabiqəyə təqdim edilməlidir.

4.4. Təqdim edilmiş hər hansı inşa yazısı qoyulmuş tələblərə cavab vermirsə həmin inşa yazısı müsabiqəyə buraxılmır və onun müəllifi müsabiqədə iştirakdan kənarlaşdırılır.

4.5. Şagirdlər və tələbələr müsabiqədə ayrı-ayrılıqda iştirak edir, yəni şagirdlərin inşaları öz aralarında, tələbələrin inşaları isə öz aralarında müqayisə edilir.

4.6. Yuxarıda 3-cü bənddə (3.1-dən 3.15-dək) sadalanan hər bir qlobal çağırış (mövzu) müsabiqənin finalçıların və qaliblərin müəyyən edilməsi məqsədi üçün ayrıca nominasiya hesab edilir, yəni onların hər birisi üzrə ayrı-ayrılıqda finalçı və qaliblər müəyyən edilir.

V. İnşa Yazısına Olan Tələblər

5.1. Müvafiq mövzu üzrə inşa yazısı Azərbaycana dair məsələləri əhatə etməli və bu problemləri qlobal inkişaf çərçivəsində təhlil etməlidir.

5.2. Hər bir inşa yazısı onun məzmununu əks etdirən adı daşımalıdır.

5.3. İnşa yazısında qaldırılan məsələlər və onların həlli və ya təkmilləşdirilməsi yolları aydın fikir və cümlələrlə ifadə edilməlidir.

5.4. Müəlliflik hüquqlarının gözlənilməsi və müvafiq istinadların edilməsi vacibdir və bunun üçün digər mənbərlərdən götürülən məlumatın sadəcə inşaya köçürməklə daxil edilməsi (yəni həmin mənbə göstərilmədən və ya ona istinad olmadan) yolverilməzdir.

VI. İnşa Yazısının Forması, Həcmi və Dili

6.1. İnşa yazısı kompyuterdə yığılmalı və Word proqramının 12-ci şrift ilə (sətirlər arası məsafə 1,5-dən çox olmamaqla) çap edilmiş formada olmalıdır. Əllə yazılmış inşalar qəbul olunmur.

6.2. Hər bir inşa yazısının həcmi:

· 9-11-ci sinif şagirdləri üçün 3-5 səhifə;

· bakalavr pilləsində oxuyan tələbələr üçün 5-7 səhifə.

6.3. İnşa yazısı, iştirakçının seçimi ilə Azərbaycan, Rus və ya İngilis dillərində hazırlana bilər.

VII. İnşanın Yazılması Prosesi

7.1. İnşa yazılarkən müsabiqədə iştirak edən şagird və ya tələbə öz mülahizələrini və fikirlərini ifadə etməlidir.

7.2. İştirakçının seçdiyi qlobal çağırış (mövzu) üzrə öz mövzusuna aid Təlimata Əlavə: 15 Qlobal Çağırışın Təsviri materialı ilə qabaqcadan tanış olması vacibdir.

7.3. Seçilmiş mövzuya dair nəzərdən keçirilən digər ədəbiyyat və materiallar mövzunun aktuallığını əks etdirməlidir.

7.4. İnşa yazılarkən hər bir qlobal çağırış üzrə əlavə materialların öyrənilməsi, internet şəbəkəsindən və digər mənbələrdən istifadə edilməsi məqsədə uyğun hesab edilir;

7.5. Orta təhsil müəssisələrinin şagirdlərinə müəllimlər tərəfindən qabaqcadan izahat verilməlidir.

7.6. Tələbələr isə özləri sərbəst olaraq Müsabiqənin internet saytından və digər mənbələrdən məlumat əldə etməlidirlər.

VIII. İnşa Yazılarının Qiymətləndirilməsi

8.1. İnşa yazıları peşəkar mütəxəssislərdən ibarət münsiflər heyəti tərəfindən qiymətləndirilir.

8.2. Hər bir inşa 10 ballıq cədvəl üzrə qiymətləndirilir.

8.3. Eyni bal toplamış və konkursa düşən inşa yazıları başqa mütəxəssislər tərəfindən təkrar qiymətləndirilir.

8.4. Şagirdlərin və tələbələrin inşa yazıları ayrı-ayrılıqda qiymətləndirilir və bir-biri ilə müqayisələndirilmir. Digər sözlərlə, şagirdlərin inşaları digər şagirdlərin, tələbələrin inşaları isə digər tələbələrin inşaları ilə müqayisələndirilir.

8.5. İnşa yazısının qiymətləndirilməsi ona olan tələblər əsasında həyata keçirilir (əlavə olaraq bax yuxarı 5-ci bəndə):

· Forma və məzmuna dair qoyulan tələblərə cavab verməsi;

· Azərbaycana aidiyyatlılığı;

· Qlobal inkişaf istiqamətlərinə və problemlərinə bağlılığı;

· Mövzunun adının onun məzmununu əks etdirməsi;

· İrəli sürülən fikir və ideyaların aydınlığı və məzmunluluğu;

· Təklif edilən problemlərin həlli yollarının orijinallığı və mümkünlüyü.

IX. Müsabiqənin Qalibləri və Finalçıları

9.1. İnşa yazılarının münsiflər heyəti tərəfindən qiymətləndirilməsi nəticəsində şagirdlər və tələbələr arasından hər bir kateqoriya üzrə ayrı-ayrılıqda 15 nominasiyada (hər bir mövzu üzrə) Müsabiqənin finalçıları müəyyən edilir.

9.2. Ümumilikdə, şagirdlərdən və tələbələrdən olan finalçılar 1-ci, 2-ci və 3-cü yerlərə layiq görülməklə 90 nəfərdən ibarət olur (şagirdlər – 45 nəfər və tələbələr - 45 nəfər).

9.3. Ümumilikdə, şagirdlərdən və tələblərdən olan, hər bir nominasiya (mövzu) üzrə 1-ci yerlərə layiq görülmüş 30 finalçı müsabiqənin qalibləri hesab edilir (şagirdlər – 15 nəfər və tələbələr – 15 nəfər).

9.4. Müsabiqənin bütün qalib və finalçılarına Təşkilatçılar tərəfindən müvafiq bildiriş verilir.

X. Mükafatlandırma

10.1. Müsabiqənin qaliblərinə və finalçılarına müvafiq sertifikat və mükafatlar təqdim oluncaqdır.

10.2. Mükafatlandırma mərasimi açıq şəkildə Bakı şəhərində təntənəli surətdə həyata keçiriləcəkdir. Mükafatlandırma mərasiminin keçirilmə yeri və tarixi barədə Təşkilatçılar tərəfindən əlavə məlumat veriləcəkdir.

XI. İnşa Yazılarının Təqdim Edilməsi və Əlavə Məlumat

11.1. Müsabiqənin rəsmi internet saytı www.galacaknasillar.az sayılır

11.2. Müsabiqəyə dair bütün məlumatı həmin internet saytından əldə etmək olar.

11.3. İnşa yazısı, yazının müəllifi, onun ünvanı və əlaqə məlumatı ilə birgə, aşağıdakı ünvanlardan birinə göndərilməlidir:

· Adi poçt: Azərbaycan Futuroloqlar Cəmiyyəti, Bakı şəhəri, Old Caspian Business Center, (Old Kaspian Biznes Senter) V.Məmmədov küçəsi 10/12, AZ1000 (disk əlavə edilə bilər).

VƏ YA

· Elerktron poçt: info@galacaknasillar.az

11.4. İnşa yazıları 15 YANVAR 2016-ci il SAAT 18.00-DƏK təqdim edilməlidir.

11.5. Müəyyən edilmiş vaxtdan gec təqdim edilmiş inşa yazıları qəbul olunmur.

11.6. Müsabiqəyə təqdim olunmuş inşa yazıları geri qaytarılmır.

11.7. Əlavə məlumat üçün əlaqə nömrəsi:

Tel.: (012) 437 33 51