Dünya əhalisi ərzaq məhsullarına, suya, enerjiyə və məşğulluğa görünməmiş tələbat yaratmaqla təkcə 12 il ərzində 1 milyard artacaq. Gözlənildiyi kimi əhalinin sayında artım ən azı 49 inkişaf etmiş ölkədə sürətlə gedəcək və  hazırda 900 milyondan iki dəfə artaraq 2050-ci ildə 1,8 milyarda çatacaq.  Dünya əhalisinin sayı 1804-cü ildə - 1 milyard, 1927-ci ildə - 2 milyard, 1999-cu ildə - 6 milyard olub, bu gün isə - 7,2 milyard təşkil edir. 2050-ci il üçün BMT-nin proqnozları 8.4 milyard ilə 10.9 milyard intervalında dəyişir və orta məxrəc isə 9.6 milyard insan təşkil edir. Əhali artımının təxminən hamısı inkişaf etməkdə olan ölkələrdəki şəhərlərin payına düşür. BMT 2050-ci ildə orta göstərici üzrə əhali artımı baxımından təhlil aparmışdır.

Əhali, bütün dünyanın bir çox ölkələrinin infrastrukturu adekvat şəkildə idarə edə biləcəklərindən və düzgün yeniləyə biləcəklərindən daha sürətlə artır. Şəhərin ekoloji sistemlərinə və ağıllı şəhərlərə yeni yanaşmalar icad edilməyə və həyata keçirilməyə başlanmışdır. Artan əhalinin su və enerji ilə təmin edilməsi hazırkı hesabatın Qlobal Çağırışlar  2 və 13-də müvafiq qaydada müzakirə edilir.

Əhalinin say dinamikası bütün dünyada yüksək və aşağı  ölüm əmsalı və eyni şəkildə ümumi nəsilvermə əmsalı arasında dəyişir. Dünyada doğum əmsalı 1900-cü ildə bir qadına 6 uşağa və 1950-ci ildə 5 uşağa və hazırda 2,45 uşağa düşmüşdür.

Əgər fertillik əmsalları düşməyə davam edərsə, dünya əhalisinin sayı 2100-cü ilə 6.2 milyarda qədər aşağı düşəcək. Doğum tempi aşağı düşərsə, onda yaşlı əhalinin sayı artmaqla dünya əhalisi həqiqətən də 2100-cü ilə 6,2 milyarda düşə bilər. Hazırda, orta yaşam müddəti 70,5 il təşkil edir, proqnozlara görə isə 2100 ilə 81 ilə çatacaq; uzunömürlülük tədqiqatları sahəsində əldə edilən nailiyyətlərlə bu göstərici artacaq. 60 və yuxarı yaşda olan əhalinin sayı, gözlənildiyi kimi 2013-cü ildə 12% (841 milyon), 2050-ci ildə 22% (2 milyard) artacaq, yaşlı əhalinin 20%-i isə 80 və ya daha yuxarı yaşda olacaq. 2012-ci ildə Asiya əhalisinin 11%, Latın Amerikası əhalisinin 10% və Afrika əhalisinin 6%-i ilə müqayisədə Avropa əhalisinin təxminən 22%-ni 60 və daha yuxarı yaşda olanlar təşkil edəcək. Dünyada az inkişaf etmiş regionlarda yaşayan  yaşlı əhalinin payı hazırkı 66%-dən 2050-ci ildə 79%-ə qalxacaq.

2050-ci ilə 43-dən çox ölkədə əhalinin sayının azalacağı gözlənilir. 2050-ci ilə təqaüdə çıxmaq üçün yeni kompensasiyalar tələb edən 65 yaşdan yuxarı insanların sayı 15 yaşdan aşağı insanların sayına bərabər ola bilər.

"Pensiya problemi" gələcəkdə insanların buna inandığından da çox onların uzun ömür və məhsuldar həyat yaşamalarına imkan verən elmi və tibbi ixtiralara zəmin yaratmış olacaqdır.  ABŞ, Avropa və Asiyada insan beyni layihələri ahıl yaşlarında əqli zəifliyin qarşısını necə almağın mümkün olmasına əsaslana və hətta, əqli artıra bilərlər. Yaşayış standartlarının yüksəlməsini davam etdirmək və gənc nəslin üzərindəki iqtisadi yükü azaltmaq üçün insanlar daha uzun müddət işləyəcək və məsafədən-iş, natamam iş günü və iş rotasiyasının növlərini yaradacaqlar.

Dünyada ac insanların faizinin 1970-ci ildə 30% -dən (o dövrdə dünya əhalisinin sayı 3,7 milyard təşkil edirdi) hazırda 15%-dək azalmasına baxmayaraq (7,2 milyard dünya əhalisi ilə), ərzağın müxtəlifliyi və qidalı olması baxımından narahatlıq mövcuddur. Ərzaq və Kənd təsərrüfatı Təşkilatının (ƏKT) qiymətləndirməsinə görə 30% (2 milyard insan) "gizli aclıqdan" əziyyət çəkir. Bu o vəziyyətdir ki, insanlar kifayət qədər kalori alır, lakin vitamin və mineralın miqdarı isə kifayət qədər olmur. Aqrosənaye kompleksi kənd təsərrüfatı bitkilərində olan qidalı maddələri azalda və bununla da gizli aclıq riskinin yaranmasına səbəb ola bilər. Hazırkı hesabatın gizli aclığa dair  2-ci Çağırışı gizli aclığın qarşısının alınması üçün beynəlxalq qiymətləndirməni təqdim edir. Dünya əhalisinin təxminən səkkiz nəfərindən biri xroniki olaraq doyunca yemək yemir. ƏKT kənar ərzaq yardımına ehtiyacı olan 35 ölkənin adını çəkir və ÜƏP 73 ölkədə 90 milyondan yuxarı insana ərzaq yardımı göstərir.

Bununla belə, bu ölkələrdən bəzilərində şumluq torpaqlar (əsasən Afrikanın Sub-Sahara regionunda) öz ölkələrini yedirtmək üçün xarici investorlara satılır və ya icarəyə verilir.

 2006-cı ildən bəri 66 ölkədə təxminən 35 milyon hektar sahəni əhatə edən 400 iri şumluq yerinin tutulduğu haqda məlumat verilir. Taxıl sövdələşmələrinin təxminən üçdə ikisi Avropa və Asiyadan olan investorların payına düşür. Yaxın Şərq və Şimali Afrikanın ərəb ölkələrinə taxıl idxalı 1990-cı illə müqayisədə 2011-ci ildə iki dəfədən çox olmaqla 70 milyon tonadək artmışdır.

İqtisadi Əməkdaşlıq və İnkişaf Təşkilatı (İƏİT) özəl sektorun kənd təsərrüfatına və kənd təsərrüfatı infrastrukturuna yatırdığı sərmayənin $25 milyarddan çox olduğunu və yaxın üç-beş il ərzində iki və ya üç dəfə arta biləcəyini göstərir.

Dünya Bankı və BMT agentlikləri tərəfindən təsdiq edilmiş İqtisadi Əməkdaşlıq və İnkişaf Təşkilatının (İƏİT-nin) qiymətləndirməsinə görə, özəl sektorun kənd təsərrüfatı sahələrinə və infrastrukturuna yatırdığı investisiyaların həcmi 25 milyard dollar təşkil edir və bu rəqəm növbəti 3-5 il ərzində iki və ya üçqat arta bilər. BMT agentlikləri və Dünya Bankı tərəfindən dəstəklənən  Məsul Kənd təsərrüfatı İnvestisiyanın (RAİ) məqsədi  yerli qanunlara və yaşayış tərzlərinə ehtiram göstərən investisiyaları təmin etməkdir. Ancaq bu torpaq tutmasının qanuniləşdirməsi üçün atılan bir addım kimi QHT-lər tərəfindən xeyli dərəcədə tənqid edilmişdir.

Əhali və iqtisadi artımla ayaqlaşa bilmək üçün, ərzaq istehsalı 2050-ci ilə qədər 70% artırılmalıdır. Əgər ət istehlakı proqnozlaşdırıldığı kimi 2000-ci ildə bir nəfərə 37 kq-dan 2050-ci ilə kimi ildə bir nəfərə 52 kq-a qədər artarsa, onda dənli bitki istehsalatının 50%-i heyvan yemi üçün istifadə olunacaqdır.

 Son 20 il ərzində ərzaq məhsullarının qiyməti iki dəfə artmış və 2030-cu ilə 150%-ə çata bilər. Ərzaq idxalından asılı olan və əhalisinin gəlirlərinin 80%-ni yeməyə sərf etdikləri  kasıb ölkələrdə qiymət artımı aclığa gətirib çıxarda bilər. 2013-cü ildə taxıl məhsullarının güclü qlobal istehsalını nəzərə almaqla ÜƏT-nin ərzaq qiymətləri indeksi orta hesabla  2013-cü ilin yanvar ayı ilə müqayisədə 4,4% az olmaqla 2014-cü ildə 203,4 bal olmuşdur; dünya ehtiyatı 2002-03-cü illərdən bəri maksimal göstəricidə, 2013-14-cü illərdə qlobal taxıl məhsulunun 23,5%-dən istifadə etməklə doldurula bilər. Buna baxmayaraq, əhali (xüsusilə Hindistanda və Çində) torpaq eroziyası və şum yerinin itkisi, gübrə xərclərinin (yüksək neft qiymətləri) qalxması, bazar spekulyasiyası, sulu təbəqənin əldən düşməsi, qrunt sularının səviyyəsinin aşağı düşməsi və su çirklənməsi, bioloji yanacaqlara məhsulların diversifikasiyası, ət istehlakının artması,  ərzaq ehtiyatların azalması, kənddən şəhərə suyun diversifikasiyası və iqlim dəyişikliyi təsirlərinin  çoxluğuna görə ərzaq qiymətləri qalxmaqda davam edə bilər. Buna baxmayaraq, hamını yedizdirmək üçün dünyada kifayət qədər ərzaq ehtiyatları mövcuddur, lakin onların idarə edilməsi və bölüşdürülməsi mükəmməl deyil və nəticədə, insanın istifadəsi üçün istehsal edilən ərzaq məhsullarının təxminən 33%-i boş-boşuna sərf olunur.  İnkişaf etmiş ölkələrdə ərzağın təxminən 30% istehlak səviyyəsində sərf edilir, inkişaf edən ölkələrdə isə müvafiq infrastrukturun və kommersiya şəbəkələrinin mövcud olmaması səbəbindən ərzağın 40%-i istehsalat səviyyəsində sərf edilir.

2009-cu ildə Ug99 göbələyinin buğdaya vurduğu böyük  ziyan 2010-cu ildə azaldı; onun geni indi müəyyən edilmiş və hazırda Ug99 göbələyinə davamlı buğda növü mövcuddur; bununla belə, gələcəkdə Ug99 göbələyi kimi baş verə biləcək pandemilərin qarşısını almaqdan ötrü alternativ variantların yaradılması məntiqli olardı. Bahalı istehsalata dayanan adi təsərrüfat iqlim dəyişikliyinə o qədər də davamlı olmur. Kənd təsərrüfatının məhsuldarlığı qlobal istilik nəticəsində 2050-ci ilə 9-21% aşağı düşə bilər. Kiçik fermerlər ekoloji metodlardan istifadə etməklə 10 il ərzində ərzaq istehsalatını ikiqat artıra bilərlər.

 Çində genetikası dəyişdirilmiş pambıq təsərrüfatları 2007-ci ildə həşəratlara qarşı davamlı BT pambıq növündən istifadədən sonra pestisidlərdən istifadəni azaltmışlar, lakin monobitkilərdən istifadə kənd təsərrüfatı üçün həlledici əhəmiyyətə malik biomüxtəlifliyə mənfi təsir göstərir.

Heyvan yetişdirmədən ət istehsalı, yağışla suvarılan daha yaxşı kənd təsərrüfatı və suvarmanın idarə edilməsi, daha çox məhsul əldə etmək və quraqlığa davamlı bitkilər becərmək üçün genetik mühəndislik, balıq populyasiyasını geri qaytarmaq üçün dəniz otlarının əkilməsi,   insanlara və heyvanlara ərzaq, bioyanacaqlar, kağız sənayesi üçün xammal istehsalı, CO2ni hopdurmaq, kənd təsərrüfatı və torpaqların təmiz su ilə suvarılmasını azaltmaq və  məşğulluğu artırmaq üçün yeni kənd təsərrüfatı yanaşmaları tələb olunacaq.

Heyvanların  yedizdirilməsi üçün həşəratların emalı ÜƏT-yə uyğun olaraq "Həşəratlar hər yerdə var və onlar sürətlə artır, onlar yüksək artım tempinə, yem konversiyası əmsalına və ətraf mühitə aşağı təsirə malikdirlər" kimi daha sabit seçim təklif edə bilər. Bütün dünyada təxminən 2 milyard insan bu gün öz rasionuna həşərat əlavə edir. Üzvü ərzaq və içki məhsulları üzrə dünya bazarı son on ildə üç dəfə artmış, 160 ölkədə 37 milyon hektar üzvü kənd təsərrüfatı mövcuddur.

 Dünya Bankı hesab edir ki, 2030-cu ildə istehlak ediləcək dəniz məhsullarının 62%-i fermalarda yetişdiriləcək və 70%-i Asiyada istifadə ediləcək. Çin 2030-cu ilə dünyada 37% balıq istehsal edəcək və bu zaman dünya miqyasında balıq istehlakının 38%-ni istifadə edəcək.

• Gələcək əhali və resursları tarazlaşdırmağa kömək etmək üçün digər üsulların nümunəsinə vegetarianlığın təşviq edilməsi daxildir
• qocalığı sağlam və məhsuldar edəcək sintetik biologiya və digər uzunömürlülük texnologiyalarının mümkün nəticələrinin qabaqcadan nəzərə alınması
• təhlükəsiz elmi və tədqiqat nanotexnologiyanın sürətləndirilməsi (keyfiyyəti artıran zaman məhsul vahidinə düşən materiallardan istifadənin azaldılmasına kömək etmək).
• tele-təbabətin (ekspert proqram təminatı əsasında onlayn özünü-diaqnostika daxil olmaqla) və mobil telefonla uzaq məsafədən təhsilin dəstəklənməsi (dünyada əksər insanların savadlı olmasına baxmayaraq, hələ də savadsız 1,4 milyard insan mövcuddur və 21 ölkədə savadsızların sayı üstünlük təşkil edir).
• vətəndaşlara şəhər şəraitini yaxşılaşdırılmağa və şəhər ekoloji sistemlərini öyrənməyə kömək edən ağıllı şəhərlərin yaradılması üçün ağıllı şəbəkələrin tətbiq edilməsi.

Su ilə bağlı Qlobal Çağırış 2 əhalinin və su resurslarının necə balanslaşdırıla biləcəyini, enerji ilə bağlı Qlobal Çağırış 13 isə artan əhalinin enerjiyə olan  tələbatını necə ödəməyin mümkün olduğunu göstərir.

Dünya əhalisinin təxminən 52% hazırda şəhər ərazilərində yaşayır; 2025-ci ilə əhalinin sayı 58%-ə çatacaq. 2025-ci ildə 4,3 milyard şəhər əhalisi ildə 2,2 milyard ton bərk tullantı yaradacaq və bu tullantının çəkisi hazırda ildə 1,3 milyard tona çatır. Enerji və əlavə faydalı məhsullar istehsal etmək üçün tullantıların təkrar emalı və onlardan istifadə bütün şəhər ərazilərində tətbiq ediləcək.

 Daha intellektual insan-təbiət əlaqəsindən yaranan kifayət qədər qidalanma, ev, su və sanitariya olmadan, mühacirətin, münaqişələrin və xəstəliklərin artması labüd haldır. İKT-nin daima təkmilləşdirilməsi və tətbiqi bütün dünyada və real vaxt rejimində tələbat və resurslar arasında müqayisəni təkmilləşdirmək üçün əsas məsələdir.

Dünya əhalisinin illik artımı 30 milyondan aşağı düşəcək, ac insanların sayı yarıbayarı azalacaq, körpə ölümü  2000-ci və 2015-ci illər arası üçdə iki dəfə azalacaq və eləcə də qocalmaya yeni yanaşma iqtisadi baxımdan mümkün olduğu zaman Çağırış 3-ə ciddi şəkildə müraciət ediləcək.

Regional Mülahizələr

Afrika: Afrika əhalisinin yarısı 17, yaxud daha aşağı yaşdadır. 2050-ci ilədək dünya əhalisinin artımının yarıdan çoxu Nigeriya ilə birlikdə Afrikada gözlənilir və 2050-ci ilə dünyada əhalinin sayına görə üçüncü yeri tutacaqdır. Afrika əhalisi son 27 il ərzində iki dəfə artaraq 1 milyarda çatmışdır. Proqnozlara görə, bu rəqəm 2060-cı ildə 2,7 milyarda, ola bilsin ki, 2100 ilə 3,6 milyarda çatacaq. 15-64 yaşlı insanların (əmək qabiliyyətinə malik yaş) sayı gözlənildiyi kimi 2005 və 2060-cı illər arası üç dəfə artacaq. 2050-ci ilə üç doğuşdan biri Afrikada baş verəcək və demək olar ki, 18 yaşadək üç uşaqdan biri Afrikalı olacaq. 60 və daha yuxarı yaşda olan əhalinin faizi nisbətən aşağı olacaq və 2012-ci ildən 6%-dən 2050-ci ilədək 10%-ə yüksələcəkdir. Reproduktiv yaş dövründə olan ailəli qadınların yalnız 28%-i qlobal 62% orta göstərici ilə müqayisədə hamiləliyə qarşı vasitələrdən istifadə edirlər.

Müasir kontrasepsiyadan istifadənin 27% təşkil etdiyi Efiopiyada hazırda doğum əmsalı Addis-Abebaya nisbətən aşağı səviyyədədir. Liviya və Tunisdə qadınların ilk nikaha daxil olma yaşları son 30 ildə 20 yaşdan 29 yaşa qalxmışdır. Uşaqların orta sayı həmin dövrdə yarıya azalmışdır. UNICEF-in  təxmini hesablamalarına görə, şəhər əhalisinin 60%-i gecəqondularda yaşayır; uşaqların bu şəraitdə məktəblərə getmələri az ehtimal olunur və onların pis qidalanması, gələcəkdə işsizlik səviyyəsinin artması və uzunmüddətli sosial münaqişələrin mövcud olması ehtimalı isə böyükdür. 25 yaşınadək insanlar Afrikanın Sub-Sahara regionu ölkələrində ümumi işsizlərin sayının təxminən 60%-ni təşkil edirlər. Saharanın cənubunda yerləşən əksər ölkələrdə  və Şimali Afrikanın bəzi ölkələrində gənc nəslin olduqca sürətlə artması və məşğulluğun aşağı səviyyəsi ən azı 2030-cu illərədək uzunmüddətli qeyri-sabitliyə gətirib çıxarda bilər. Lakin, əhalinin tarixi artımı çox vaxt iqtisadi artıma gətirib çıxarır. Bununla belə, torpaqların məhsuldarlığının aşağı düşməsi və iqlim dəyişikliyi nəzərə alınmaqla əhali sıxlığında artım təbiət resurslarına böyük təsir göstərəcək. Buna görə də, zəngin qidalandırıcı maddələrə malik kənd təsərrüfatına investisiya yatırımının artırılması və Afrikada kənd təsərrüfatını idarə edən qadınlar üçün imkanların yaradılması Afrikanın ictimai səhiyyəsinin böyük problemi olan kifayət qədər qidalanmamaq problemini azalda bilər. Hazırda, şəhər ərazilərinin idarə olunması keyfiyyətini xeyli azaldan amillərdən biri ömrü də azaldan QİÇS xəstəliyidir. Münaqişə və korrupsiya əvvəlkitək inkişaf məqsədilə qoyulan sərmayələrin qarşısını alır, məhsuldar şumluq torpaqları korlayır, qaçqınların meydana gəlməsinə, qitə boyu ərzaq böhranlarının baş verməsinə səbəb olur və təbii resursların daha yaxşı idarə olunmasına maneə yaradır. Afrika dünyada istifadə edilməmiş kənd təsərrüfatı sahələrinin yarısından çoxuna  malikdir.

Asiya və Okeaniya: Çin növbəti onillikdə şəhərlərə 400 milyon insanı gətirməklə urbanizasiyaya təxminən 40 trilyon ($6,5 trilyon) sərf etməyi planlaşdırır. 2025-ci ilə Çin əhalisinin sayı 1 milyondan çox olan 220-dən artıq şəhərə və 10 milyon insandan artıq  səkkiz meqapolisə malik olacaq. Çin dünyada 7% şumluq torpağa malik olmaqla 22% dünya əhalisini yedizdirməlidir. 1975-ci ildə bir qocaya altı Çin uşağı düşürdü; 2035-ci ildə isə iki uşağa iki qoca düşəcək. Çin qocalan əhalinin böyük sayını saxlamaq üçün zəngin olmağa imkan tapmamış qocalmaqdadır. Çin bir uşaq siyasətindən əl çəkməkdədir.  Bununla belə, Çində sonsuzluq 12,5% reproduktiv yaşlı insanı əhatə edir və 20 il əvvəlkindən dörd dəfə çoxdur. Yalnız Şanxayın baş sperma bankında saxlanılan spermanın üçdə bir hissəsi ÜST-nin standartlarına cavab verir. Yaponiya əhalisi 2013-cü ildə 0,21% azalmış və bu azalma dörd il ardıcıl şəkildə davam etmişdir. 65 yaşdan yuxarı əhali əmsalı gözlənildiyi kimi hazırda 25%-dən 2060-cı ilə təxminən  40% artacaq. Orta yaş həddi demək olar ki, 45 yaşa, 2040-cı ilə 55 yaşa yüksələcək və əhalinin sayı 127 milyondan 2060-cı ilə 87 milyona azalacaq.

106 milyon. İntihar və depressiya halları Yaponiyaya ildə $32 milyarda başa gəlmişdir. 2012-ci ildə 15 il ərzində ilk dəfə olaraq intihar halları 30,000 az olmuşdur. Hindistanın əhalisi 2028-ci ildə Çinin əhalisini ötəcək və növbəti onilliklər ərzində artmaqda davam edəcək. Asiya fermerləri qocalır; Çin fermerlərinin orta yaş həddi, proqnozlara görə 2022-ci ildə 50 yaşdan yuxarı və ya hətta 60 yaşdan artıq olacaqdır; Tailand fermerləri üçün orta yaş həddi 1985-ci ildəki 31 yaşla müqayisədə 2010-cu ildə 42 yaş olmuşdur.

Təxminən 5 milyon insan ərzaq çatışmazlığı şəraitində yaşayır. Hindistanda genetikası dəyişdirilmiş ərzaq məhsulları üzərində məcburi nişanlanma 2013-cü ilin yanvar ayından tətbiq edilməyə başlamışdır. İndoneziya 14 emal edilməmiş xam mineralın ixracına qadağan tətbiq etmişdir. Çin bəzi az tapılan strateji nadir torpaq metallarının ixracını azaltmış, yaxud da qadağan etmişdir. 2030-cu ilə planlaşdırılmış layihələrin icrası davam edərsə, Avstraliya Qətərdən sonra STQ-nin istehsal həcminə görə ikinci olacaq. Yaxın Şərq əhalisinin təxminən üçdə biri 15 yaşdan aşağı yaş həddindədir; yerdə qalan hissəsi isə 15-29 yaş arasındadır; və  gənclər arasında işsizliyin orta səviyyəsi 27% (gənc qadınların təxminən 44%) təşkil edir. Yeni məşğulluq konsepsiyası siyasi qeyri-sabitliyin qarşısını almaqdan ötrü tələb olunur.

Avropa: 2030-cu ilə Avropa əhalisi maksimum həddə çatacaq, sonra isə azalacaq və sonrakı 50 il ərzində 100 milyon insan itirəcək. 2060-cı ilə AB-də doğulan qadınların orta ömür uzunluğu  2010-cu ildəki 82,5 yaşla müqayisədə 89.1 yaş ola bilər; kişilərin orta ömür uzunluğu isə 2010-cu ildəki 76,7 yaş ilə müqayisədə 84,6 yaş ola bilər. 2050-ci ilə əhalinin təxminən 34% 60 yaşında və daha yuxarı yaşda olacaq və hər bir pensioneri saxlayacaq işçilərin sayı dördə birə azalacaq. Şərqi Avropanın bir sıra ölkələrində əhali 2050-ci ilə 15%-dən artıq azala bilər. Bununla belə, NEET  (15 - 29 yaş arasında) olan 14 milyon avropalı rifah və əmək qabiliyyətinin itirilməsi baxımından AB-yə həftədə €3 milyarda başa gəlir. Avropada aşağı doğum səviyyəsi, qocalma və əhalinin sayının azalması pensiya və sosial təminat sistemində dəyişikliyə, daha çox uşağın doğulmasına həvəsləndirməyə, və beynəlxalq münasibətlərə, mədəniyyət və sosial struktura təsir edən immiqrant əmək qüvvəsinin artmasına gətirib çıxaracaqdır. AB-nin digər ölkələrinə köçən yunan və ispanların sayı 2007 və 2013-cü illər arası iki dəfə artmışdır. Strateji və Beynəlxalq Tədqiqatlar Mərkəzi 2050-ci ilə müsəlman əhalinin sayının Fransada 25% və Almaniyada 33% artacağını proqnozlaşdırır. Avropanın Şərqindən Qərbinə miqrasiya kənd rayonlarından şəhər rayonlarına axın kimi davam etməkdədir. Rusiya əhalisi 1991-ci ildə pik nöqtəsinə - 149 milyona çatmış, sonra isə onillik azalma başlamış və doğum göstəricisinin aşağı düşməsi, ölüm hallarının və emiqrasiyanın artması səbəbindən ildə təxminən 0,5% həcmində azalmışdır. 2011-ci ildə Rusiyanın iqtisadi aktiv əhalisinin təxminən 2,5%-i leqal miqrantlar olmuşdur. 

Latın Amerikası: Latın Amerikası və Karib hövzəsi ölkələri 12% şumluq torpağa, 8,5% əhaliyə, 33% təzə su ehtiyatlarına, 21% təbii meşələrə və mineral resurslara malikdir. Regionun təxminən 85% -i 2030-cu ilə kütləvi şəhər və kənd təsərrüfatı infrastrukturu investisiyaları tələb edən  şəhər olacaq. Təxminən 2010-cu ildə 53 milyon insanla müqayisədə 47 milyon insan aclıq və kifayət qədər yemək qəbul etməməkdən əziyyət çəkirlər. Braziliya, Ekvador, Venesuela, Qvatemala, Honduras, Nikaraqua  ixrac üçün deyil, əhalilərini yedizdirmək üçün yerli kənd təsərrüfatı məhsullarının təmin edilməsi ilə bağlı ərzaq təhlükəsizliyinə dair qanunlar qəbul etmişlər; doqquz ölkə də bunu etməyi planlaşdırır. Aclığa qarşı Meksika Milli Səlib Yürüşü 2012-ci ildə 7 milyon insanla müqayisədə yalnız bir ildə 43% - təxminən 4 milyon insanı  aclıq məngənəsindən xilas etmişdir. 

Latın Amerikasında 60 və daha yuxarı yaşda olan əhalinin payı hər şeydən əvvəl 2012-ci ildə 10%-dən 2050-ci ildə 25%-dək artacaq. Meksikada 2050-ci ilə əhalinin yarısı 43 yaşdan yuxarı olacaq və orta yaş dövründə 18 yaşa yüksələcək. Növbəti 20 il ərzində Braziliyada doğum tempinin və ömür uzunluğunun aşağı düşməsi nəticəsində qoca insanların maliyyə vəsaiti ilə təmin edilməsi imkanı aşağı düşəcək; bununla da, nəsillər arasında gələcəkdə münaqişələrdən uzaq olmaq üçün pensiyaya çıxan zaman ödənilən kompensasiya məbləği dəyişdirilməli və sosial inteqrasiya yaxşılaşdırılmalıdır. Dünyada təxminən 12% şumluq torpaq və şirin su ehtiyatının üçdə biri və dünya əhalisinin 8,5%-nə malik ərazi ərzaq məhsullarının istehsalı üçün böyük potensiala malikdir. Peru GDO-nın idxalına 10 illik moratoriya tətbiqini qüvvədə saxlayır; Peru $3 milyard potensial illik gəlirlə üzvü ərzaq məhsullarının (qəhvə, kakao, kvinoya, banan) dünya ixracatçılarından biridir. Latın Amerikası və Karib hövzəsi ölkələri faydalı qazıntıların bərpa olunmayan ən mühüm ehtiyatlarının nəzərəçarpan hissəsinə malikdirlər; Latın Amerikası  və Karib Dövlətləri Birliyi (CELAC) ölkənin faydasını artırmaq və yerli əhalinin həyat səviyyəsini yaxşılaşdırmaq üçün təbii ehtiyatlar üzərində suverenitetin artırılması məqsədilə yeni strategiyalar nəzərdən keçirir.

Şimali Amerika: Regionun bütün ölkələrində 60 və daha yuxarı yaşa malik əhalinin payı 2012-ci ildə 19%-dən 2050-ci ildə 27%-ə yüksələcək. ABŞ-da yaşı 65 və daha yuxarı olan insanların sayı gözlənildiyi kimi 2009-cu ildə 40 milyondan 2030-cu ildə 72 milyona çatacaq. Hazırda, ABŞ-da bir yaşınadək olan uşaqlar əhalinin azlıq təşkil edən hissəsidir. 1980-ci ildən etibarən yaşlı pensionerlərin sayı 1,300% olmuşdur. MIT hesab edir ki, havanın çirkləndirilməsi Birləşmiş Ştatlarda ildə  təxminən 200,000 erkən ölüm hallına səbəb olur. ABŞ-da əhalinin 2%-dən az hissəsi dünya ərzaq ixracının ən böyük hissəsini təmin edir, təxminən 47 milyon amerikalı isə ərzağa görə talon alıcılarıdır. ABŞ-da insanların üçdə iki hissəsi artıq çəkiyə malikdir və ya piylənmədən əziyyət çəkir və 8.3%-i isə şəkər xəstəsidir. Orta hesabla, hər bir amerikalı hər il 253 funt ərzaq istehlak edir. "İstifadə edilmədən atılan" ərzaq miqdarının azaldılması əhali-resurs balansını dəyişə bilər. Biotexnologiya, nanotexnologiya və fərdi genom təbabəti sahəsində uğurlar tibbi təcrübəyə yenicə təsir göstərməyə başlamışdır; buna görə də, ömür uzunluğunun 25-50 ildən sonra son dərəcə inkişafı qaçılmaz haldır. Şimali Amerika fermerləri fermerliyi iqlim dəyişikliyinə və eksterimal hava şəraitinə qarşı daha davamlı etməyin  və qlobal istiləşməyin Kanadada buğda ixracını necə artıra biləcəyi yollarını arayırlar.  Vankuver,  Toronto və Kalqari kimi Kanada şəhərləri reytinq üzrə yaşamaq üçün dünyanın ən əlverişli beş şəhəri sırasında yer alırlar.