Qlobal Çağırış 15. Etik təfəkkür (baxış) gündəlik olaraq qlobal qərarların qəbul edilməsinə necə daxil edilə bilər?

Bütün dünyada artan etirazlar hökmranlıq edən elitanın qəbul etdiyi qeyri-etik qərarlara qarşı artan dözümsüzlük nümayiş etdirirlər. Daha çox təhsili olan və İnternetə çıxışa malik nəsil bütün dünyada hakimiyyətdən sui-istifadə əleyhinə qalxır və şəffaflıq tələb edir.

Dünya hələ də 2008-ci ildə maliyyə böhranına gətirib çıxarmış qeyri-etik qərarlardan özünə gəlməyib. Bu əyani şəkildə iqtisadiyyat və etikanın qarşılıqlı əlaqəsini nümayiş etdirmişdir. Qlobal maliyyə böhranından tez bir zamanda qurtulmağa kömək etmiş və dünyanı repressiyadan xilas etmiş sürətli həlli yollarının tətbiqinə baxmayaraq, yenə də qeyd edilən etik göstəricilər gələcək böhranların qarşısının alınması üçün kifayət qədər nəzərdən keçirilməyib. Hazırda mövcud olan qlobal problemlərin həll üçün zəruri olan  milli, təşkilati, dini və ideoloji sərhədləri keçərək əməkdaşlıq etmək kimi mənəvi istək qlobal etika tələb edir. Bununla belə, dini metafizikaya əsaslanan ictimai mənəviyyat günbəgün artan sekulyarizm səbəbindən mübahisə predmetinə çevrilir və bir çoxları qərar qəbul edilməsi üçün mənəvi əsaslara, idarəetmə üçün köhnə ənənələrə inamla yanaşmırlar və bununla da bir çox dinlərdə fundamental hərəkatların başlanğıcını qoyurlar.  Təəssüf ki, mənəvi üstünlüyə önəm verən din və ideologiya bütün dünyada münaqişə yaradan "biz-onlar" kimi təbəqələşməyə gətirib çıxardır.

 Elmi-texniki tərəqqinin sürətlənməsi etik qiymətləndirmənin adi vasitələri hüdudundan çıxır. Özünü klonlaşdırmaq, yaxud   dinozavrları həyata qaytarmaq və ya sintetik biologiyadan minlərlə yeni həyat formalarının kəşf edilməsi etik sayılırmı? Təhlükəsizliyi lazımi qaydada sınaqdan keçirmədən yeni icadları tətbiq edilməsi, yaxud insan nəzarəti olmadan yeni silah növlərinin işlənib hazırlanması və istifadə edilməsi etik sayılırmı?  Bu fundamental elmi tədqiqatlar sosial problemlər və onları maliyyələşdirən cəmiyyət birbaşa nəzərə alınmadanmı həyata keçiriləcək? Sosial təfəkkür reallığın həqiqətdə olduğu kimi qəbul edilməsi gedişatını poza bilərmi? Jurnalistlər informasiya ilə dolu olan dünyada oxunmaları üçün "piar" kampaniyasından istifadə etməli olduqlarından, həqiqət təhrif edilə və laqeyd cəmiyyətin yaranmasına gətirib çıxarda bilər.

Dəyişiklikləri sürətləndirməklə qabaqlayıcı etik sistemlərin işlənib hazırlanması vaxtı çatmamışdırmı? Qanun ədalət məhkəməsinin əsas prinsipi olduğundan, mümkün gələcək hadisələr barədə etik mülahizələrə ehtiyac duyacayıqmı? Elm və texnologiya sahəsində uğurlu nailiyyətlər əldə etməyimizə baxmayaraq, inkişaf və qloballaşdırma ilə bağlı gələcək risklər qalmaqdadır (bax: Dələduzluq Əməliyyatları ilə bağlı Qlobal Məlumatlandırma Sistemində (GFIS) Tədqiqat üzrə Elmi və Texnologiya bölməsi) və gələcəkdə etik problemlərə yol açır (bax: Dələduzluq Əməliyyatları ilə bağlı Qlobal Məlumatlandırma Sistemində (GFIS) Tədqiqat üzrə Gələcək Etik Problemlər bölməsi). Məsələn,  günlərin birində bir insanın kütləvi bioloji qırğın silahı hazırlayacağı və tətbiq edəcəyi mümkündür. Cəmiyyət təbii ki, bunun qarşısını almaq istəyəcək və bunun qarşısını almaqdan ötrü onun erkən aşkarlanmasını və çox ehtimal ki, özəl həyata müdaxilə edilməsini və digər vətəndaş hüquqlarını azaltmağı tələb edəcəkdir. Gələcəkdə bu cür potensial deskrutiv insanların sayını azaltmaq üçün uşaqların sağlam psixi inkişafı hər bir şəxsin üzərinə düşən ümdə vəzifə olmalıdır. Bu cür müşahidələr yeni bir şey deyildir, lakin psixi sağlam və mənəviyyat baxımından güclü insanların tərbiyə edilməsindən imtina gələcəkdə keçmişlə müqayisədə gələcəkdə daha ciddi fəsadlara yol aça bilər. İnsanları kütləvi terror aktı törətməyə meylli olmaları və ya kimlərin bu cür əməlləri törətməyə hazırlaşdıqları baxımından eyniləşdirmək mümkün olduğu zaman onları bu cür əməlləri törətməzdən qabaq həbs etmək etik sayılırmı? Snoudenin ABŞ Təhlükəsizlik İdarəsinin məxfi sənədləri ilə bağlı açıqlaması kollektiv təhlükəsizliklə müqayisədə fərdi və suveren hüquqların qlobal müzakirəsinə gətirib çıxartdı. Hökumət və ya özəl şirkətlərin göstərişləri ilə ictimai və siyasi aksiyalara qabaqcıl texnologiyalardan istifadə etməklə nəzarət edilməsi kimi etik əsaslar da şübhəli hal alır. 

Eyni zamanda, əvvəlki illərlə müqayisədə yeni texnologiyalar əksər insanların yaşayışını asanlaşdırır, böyük fayda gətirir, daha yüksək templə inkişafa rəvac verir. Ayrı-ayrı şəxslər İnternetdə qruplar yaradır, bütün dünyada müəyyən etik problemlərlə bağlı aksiyalar təşkil edirlər. Kütləvi informasiya vasitələrində verilən informasiyalar, bloqlar, mobil telefonların kameraları, etika üzrə komissiya və qeyri-hökumət təşkilatları getdikcə daha çox qeyri-etik qərarları və korrupsiya hallarını üzə çıxarırlar. Çox ehtimal ki, hər gün bütün dünyada çıxarılan əksər qərarlar hörmətə layiqdirlər. Qərar qəbul edilməsi prosesində qlobal etikaya görə kollektiv məsuliyyət hələ durğunluq dövrü yaşayır və inkişaf etmir. Korporativ sosial məsuliyyət, etik marketinq və sosial investisiya kimi proqramlar inkişaf etməkdədirlər. Qlobal etika da həmçinin sivilizasiya normalarını müəyyən edən ISO standartları və beynəlxalq müqavilələr vasitəsilə bütün dünyaya yayılmaqdadır. Riçard Brenson yalnız mənfəəti nəzərdə tutmayan, həmçinin insanlar, planet və mənfəətlə  bağlı qərar qəbul edilməsi məqsədilə müəssisələr üçün B Planı yaratmışdır. Bill Qeyts milyarderləri malik olduqları vəsaitlərinin yarısını qlobal problemlərin həllinə sərf etməyə çağırmışdır.

Əldə edilən irəliləyişə baxmayaraq korrupsiya əvvəlkitək bütün dünyada geniş yayılmışdır. Hər il $1-1,6 trilyon insan rüşvət ödəyir. 2013-cü il tarixli Korrupsiyanı Qavrama İndeksi müəyyən etmişdir ki, 177 ölkə və ərazi  arasından 114 ölkə 50 baldan aşağı bal toplamış (şkala üzrə 0 = korrupsiya səviyyəsinin yüksək olması, 100 = olduqca təmiz), və bununla da dünya miqyasında hakimiyyətdən yüksək səviyyədə sui-istifadə və   korrupsiya  halı nümayiş etdirmişdir. Qlobal Korrupsiya Barometri məlumat verir ki, sorğuda iştirak edən insanların 27%-i son 12 ay ərzində rüşvət ödədiklərini, 53% isə korrupsiya halının son iki il ərzində artdığını və bir neçə dəfə yüksəldiyini söyləmiş və respondentlərin 88% isə hökumətlərinin korrupsiyaya qarşı mübarizədə qeyri-effektiv hesab etmişlər. Hesabatda göstərilən ən narahatedici məqam yoxsul ölkələrdə rüşvətxorluğun yüksək səviyyəsinin inkişafa necə mane ola biləcəyinin göstərilməsidir.  Bu, şəxsi var-dövlətin toplanması halını  (10% ən varlılar müstəqil şəkildə dünyanın 86% var-dövlətinə sahibdir) daha da dərinləşdirir və bu da, siyasi həlli yolları etikasını və hazırkı iqtisadi və sosial sistemləri şübhə altına qoyur.

Dünyanın üzləşdiyi digər bir böyük miqyaslı etik məsələyə bu gün, on doqquzuncu əsrlə müqayisədə daha çox  12 milyon və 29,8 milyon insanın qul vəziyyətində yaşaması faktına aiddir; mütəşəkkil cinayətkarlıq ildə $3 trilyon vəsait əldə edir; dövlətli ölkələr isə hər il təxminən 50 milyon ton tullantını inkişaf etməkdə olan ölkələrə göndərirlər. 5-14 yaşında təxminən 10,5 milyon uşaq təhlükəli və çox vaxt da qul şəraitində çalışır və onların 71%-ni gənc qızlar təşkil edir. Dünya Bankının nəzdində fəaliyyət göstərən Hasilat Sənayesi Fəaliyyətinin Şəffaflığının Artırılması Təşəbbüsü 2002-ci ildən etibarən fəaliyyətə başlamış və şirkət və ölkələrdən inkişaf edən ölkələrlə neft, qaz və mineral qazıntılarla bağlı bağladıqları sövdələşmələrin şərtlərini açıqlamağı tələb edir; hazırda onun sıralarında 25 ölkə və 16 namizəd ölkə yer alır və 35 üzv isə  HSŞT üzrə hesabatlarını təqdim etmişlər.

2014-cü ilin əvvəlinə ümumən 170 ölkə və Avropa Birliyi BMT-nin Korrupsiya Əleyhinə Konvensiyasını qəbul etmişlər. Bu saziş davranış qaydalarını və onların tərifini müəyyən etdi və korrupsiyaya qarşı hüquqi öhdəlik tətbiq edən yeganə universal sənəd rolunu oynayır. BMT-nin qlobal sazişi biznes həlli yollarında etikanı gücləndirmək baxımından işlənib hazırlanmışdır. 2014-ci il üzrə müqaviləyə 145 ölkənin 7,978 şirkəti və 4,140 vətəndaş cəmiyyəti təşkilatı qoşulmuş və məqsədlərə nail olunması ilə bağlı hesabat təqdim etmədiklərinə görə isə 4,290 təşkilat xaric edilmişdir. Bu, QHT-lərin əməkdaşlığını yaxşılaşdırmış, korporativ məsuliyyət proqramlarının əhəmiyyətini artırmış, bir çox ölkədə müəssisələrin qeyri-maddi hesabatlılıq mandatlarını yüksəltmiş və gələcəkdə müəssisələrin etik rolunun davam etdirilməsi üçün 2014-2016-cı illər üzrə strategiya yaratmışdır. Beynəlxalq Cinayət Məhkəməsi siyasi liderləri uğurlu şəkildə ittiham etmiş, dinləmələr isə İnternet yayımla geniş ictimaiyyətə təqdim edilmişdir. İnsan Hüquqları haqqında Ümumi Bəyannamə qlobal etikaya dair müzakirələri və dini və ideoloji  fərqlilik üzrə həlli yollarının işlənib hazırlanmasını davam etdirir.

Biz qlobal həlli yollarında etika üçün ən yaxşı stimullar yaratmalı, dəyərlərin hiss edilməsi üçün valideyn öyüdlərini təbliğ etməli, qanuni hakimiyyətə hörməti aşılamalı, təbliğetmə nümunələrini təqdim etməli, dünyanın daha da maariflənməsi üçün qlobal təhsil üzrə iqtisadi baxımdan səmərəli olan strategiyalar tətbiq etməli və  davranışımızı insanların inandıqları dəyərlərə uyğunlaşdırmalıyıq. Əyləncəli media "Mənə, sənə və bütün dünyaya yaxşı olacaq qərarlar qəbul edin" kimi ifadələrin təbliğinə yardımçı ola bilər. Etik və mənəvi tərbiyələndirmə texniki inkişafın bəşəriyyətə verdiyi yeni səlahiyyətlərə uyğun həyata keçirilməlidir.

Çağırış 15 korrupsiya 2006-cı ildə 50% azaldığı təqdirdə, Dünya Bankının qiymətləndirmələrinə görə biznesin etik standartları beynəlxalq miqyasda tətbiq edildiyi və müntəzəm şəkildə yoxlanıldığı, demək olar ki, bütün tələbələr etika və vətəndaşlıq məsuliyyəti üzrə təhsil aldıqları və qlobal etikanın din və milli dəyərlər çərçivəsindən çıxdığı ümumən qəbul edildiyi halda ciddi şəkildə tənzimlənəcək.

Regional Mülahizələr

Afrika: Afrika vətəndaşları heç də həmişə öz təbii sərvətlərinin malik olduğu üstünlükləri qiymətləndirmədiklərindən, Hasilat Sənayesində Şəffaflıq Təşəbbüsü ictimaiyyətin milli təbii sərvətlərindən necə, kim tərəfindən və hansı qiymətə istifadə edildiyi haqda məlumatlı olması üzərində çalışır. Afrikadakı, qeyri-etik ətraf mühitdə böyüməklə bağlı az seçim şansları olan SPİD qurbanlarının milyonlarla yetim qalmış uşaqlarına xüsusi diqqət yetirmək lazımdır. Şimali Afrikada baş qaldıran qiyamlar qərar qəbul edərkən etikaya diqqət ayrılması çağırışları edirdilər.  Regionda korrupsiya $150 milyard (ÜDM-in bütün həcmindən artıq) qiymətləndirilir;  bu, bir çox Afrika ölkələrində demokratiya və iqtisadi inkişaf yolunda ciddi maneə yaradır. Qlobal Korrupsiyanı Qavrama İndeksi Subsahara Afrikasının 90% ölkəsini  50 baldan aşağı qiymətləndirir, Somali dünya ölkələri arasında ən aşağı reytinqə malik ölkə hesab edilir. Əksər Afrika hökumətlərində mövcud olan korrupsiya əleyhinə bölmələr uğurlu hesab olunmurlar. 2013-cü ilin hesabatında yer alan Afrika ölkələrində orta hesabla 49% respondent rüşvət vermişdir; ayrılıqda götürdükdə, ən aşağı faizə malik ölkə Ruanda hesab edilir, burada yalnız 13% insan rüşvət verdiyini söyləmişdir. Ən yüksək faizə malik ölkə isə Syerra-Leone olmuşdur, burada 84% insanın rüşvət verdiyi müəyyən edilmişdir. Korrupsiyaya qarşı mübarizə potensialını yaratmaqda yardım etmək məqsədilə Subsahara Afrikasında Transparency International təşkilatı bölmələri yaradılmışdır. Afrikanın İqtisadi Etika Şəbəkəsi konfrans, tədqiqat və dərgilər sayəsində inkişaf etməkdə davam edir. Subsahara Afrikasında uşaq əməyinə cəlb edilmiş uşaqların faizi hazırda istənilən region arasında ən yüksək olaraq qiymətləndirilir - təxminən 25,3%. Bu, regionda təxminən hər dörd uşaqdan birinin işləyən uşaq kimi təsnif edildiyini göstərir.

Asiya və Okeaniya: Xayyan fəsadlarının aradan qaldırılmasına yardım məqsədilə Filippinə verilmiş milyon dollar vəsait korrupsiyaya yol açmış və bir daha, təbii fəlakətə qarşı mübarizənin planlaşdırılması üçün yatırılan vəsaitlərlə bağlı maliyyə hesabatlılığı və şəffaflığın olmasını gündəmə gətirmişdir. Çinin qlobal həlli yollarının qəbulundakı rolu artdıqca, o, Qərbi münaqişələrlə müqayisədə ənənəvi münaqişələrlə üzləşəcək.  Bəziləri hesab edirlər ki, Asiyada urbanizasiya və iqtisadi artım tempi o qədər sürətlə gedir ki,  qlobal etikanın nəzərdən keçirilməsi çətinləşir, bu zaman asiyalılar ümumi qlobal etikanın mövcudluğuna inanmırlar və onun yaradılmasına bu qədər səy göstərilməsinin qərbi təfəkkürə aid olduğunu güman edirlər. Yeni Qviyena - Papuayada torpaqların təxminən 12%-i korrupsiyada ittiham olunan xarici şirkətlərə icarəyə verilmişdir. Korrupsiyanı Qavrama İndeksi  üzrə Yeni Zelandiya və Avstraliya müvafiq olaraq ən yaxşı beş ölkə arasında yer alırlar.

Avropa: Avrozonanın əksər ölkələri dünyanın az korrupsiyaya uğramış dövlət sektoruna malik ən yaxşı ölkələri sırasında yer alırlar və yalnız 23% ölkə (əksəriyyəti Şərqi və Mərkəzi Avropada olmaqla) 50 baldan aşağı qiymətləndirilir. AB-nin iki ildən bir dərc edilən Korrupsiyaya qarşı Mübarizəyə dair hesabatı üzv dövlətlərin korrupsiyaya qarşı mübarizə göstərdikləri səyi qiymətləndirmək və onlara yardım etmək məqsədilə nəzərdə tutulmuşdur. 2014-cü ilin fevral ayında dərc edilmiş ilk hesabat göstərir ki, Avrobarometrin apardığı soröuda iştirak etmiş avropalıların 76%-i ölkələrində korrupsiyanın yayıldığını hesab edirlər, bu faiz Danimarkada 20%, Yunanıstanda 99%, İtaliyada isə 97% təşkil edir. Barclays Bank ilə bağlı LİBOR məbləğində yol verilmiş qlobal pozuntu dünya maliyyə sisteminin daha etik formada idarə edilməsinə təsir göstərməkdə davam edir. Yunanıstanın və Cənubi Avropanın digər ölkələrinin iştirakı ilə maliyyə böhranı Avrozonanın dövlətləri, hökumət və üzvləri arasında qarşılıqlı şəkildə bir-birlərindən asılı olan etik öhdəliklərlə bağlı mənəvi məsələləri ön plana çəkir.  Etika üzrə Avropa Şəbəkəsi etik qərarların qəbulunu yaxşılaşdırmaq məqsədilə səyləri birləşdirir, bu zaman Müəssisə Etikası isə etika üzrə mütəxəssislərin beynəlxalq şəbəkəsinin səfərbər edilməsi və etika və biznesə diqqətin cəlb edilməsi məqsədilə innovasiya fəaliyyətlərinin təşkili üzərində çalışır. İspaniya və Fransa BMT-nin Qlobal Paktında ən çox müəssisələrə malik ölkələrdir və İspaniya həmçinin energetika menecmenti üzrə ISO 50001 standartlarına uyğun gələn aparıcı ölkədir. Avropada miqrantların sayının artması Avro-inteqrasiya proseslərinin, etik normaların və gələcək immiqrasiya siyasətinin gündəmdə olmasına gətirib çıxardacaq və bunların hamısı Avropada etika və eyniləşdirmə məsələlərinin getdikcə daha çox önəm daşıyan müzakirələrinə rəvac verir. Şərqi Avropa və Mərkəzi Asiya dünyada ən çox korrupsiyaya uğramış regionlar hesab edilir və 95% ölkə 50 baldan aşağı qiymətləndirilir; Türkmənistan və Özbəkistan ən pis dünya ölkələri sırasında yer almışlar. Türkiyədə korrupsiya ilə bağlı baş vermiş qalmaqal onun rəhbərliyinə olan daxili və beynəlxalq inamı azaltdı və onun AB-yə daxil olmaq şansına xələl gətirdi.

Latın Amerika: Meksika hökuməti bu yaxınlarda qeyri-etik davranışa görə şəxslərin və şirkətlərin cəzalandırılması üçün dövlət satınalmasına dair Korrupsiya Əleyhinə Federal Qanun qəbul etmişdir. Meksikanın  Walmart törəmə şirkətinin dövlətin yüksək rütbəli məmurlarına $24 milyon həcmində rüşvət verməsi bütün ölkədə rezonans doğurmuş bir hadisədir və ABŞ və Meksika tərəfindən günahkarların cinayət məsuliyyətinə cəlb edilməsi üçün araşdırma aparılır. Bir çox ölkələrdə şəxsi təhlükəsizliyin olmaması, təhsilə və tibbi xidmətlərə məhdud çıxış, siyasətə etibarın olmaması, üzərilərinə düşən vəzifələri yerinə yetirə bilməyən müəssisələrin (məsələn, ədliyyə və polis sistemləri) tənəzzülə uğramaları  və sürtələ artan ekoloji deqradasiya etik dəyərlərdə mövcud olan ciddi çatışmazlıqların əsas faktorlarıdır. Digər ölkələrdə hüquqi rəsmiləşdirilmələrin yayılması müxtəlif hüquqlara zəmanət vermir, belə ki əhalinin geniş təbəqəsi əvvəlkitək vəd edilən müdafiədən kənarda qalmışdır. Bu həmçinin kütləvi informasiya vasitələrində etik norma çatışmazlıqlarının yaranmasına gətirib çıxarır.

Latın Amerika və Karib Hövzəsi Ölkələri  Birliyi üzərinə kompleks strategiyanın köməkliyi ilə və qanunun aliliyi prinsipinin tətbiq edilməsi ilə korrupsiya və qeyri-etik təcrübəyə qarşı mübarizə aparmaq öhdəliyi götürmüşlər.

Şimalı Amerika: Milli təhlükəsizlik üzrə kəşfiyyat texnologiyaları və onların tətbiqi ictimai dərketmədən və siyasi nəzarətdən daha sürtələ inkişaf edə bildiyindən ABŞ və digər ölkələr Edvard Snouden tərəfindən AMT-ni ifşa edəndən sonra təhlükəsizlik və məxfiliyə olan tələblərə bir daha nəzər salmağa başlamışlar. Kütləvi qırğın silahlarını istehsal etməyi və yerləşdirməyi planlaşdıran şəxslərin aşkar edilməsi üçün hansı etik üsullar mövcuddur? Kiber casusluq  əleyhinə mübarizə nə qədər irəliləyə bilmişdir? "İnternet Əşyaların" daima inkişaf etdirilməsi məxfiliyi bir xülyaya çevirə bilərmi və bunun da nəticəsində, məxfi metodları əvəz edə bilərmi? ABŞ-ın bir çox beynəlxalq təşkilat və forumlarda etik mülahizələrin təmin edilməsi sahəsində müəyyən liderlik nümayiş etdirməsinə baxmayaraq, onun etik sahə üzrə rəhbərləri lobbiçilik maraqları göstərməkdə ifşa olunmuşdur. ABŞ-ın Ali məhkəməsi yeni sistemlərin hər bir şəxsə  (mütəşəkkil cinayətkarlıq və xarici siyasi mənbələr daxil olmaqla) kütləvi informasiya vasitələrində siyasi kampaniyaların aparılmasına anonim şəkildə istənilən məbləğdə yardım edə bilməsinə imkan yaradacağı qənaətinə gəlmişdir.  Burada hələ də siyasətin və seçki kampaniyalarının korrupsiya çirkabından uzaq olmaları və ya tənzimləyici orqanlar və onların tənzimlədikləri qurumlar arasında "rahat münasibətlərə" son qoyulması üçün ümumən qəbul edilmiş üsul mövcud deyildir.  Federal etika qaydaları əvvəlki yüksək rütbəli hökumət məmurlarının "son dərəcə aktiv" olmaları təcrübəsinin məhdudlaşdırılmasında o qədər də effektiv deyildir; 2007-ci ildə aparılmış yoxlamadan sonra Konqresdəki 1,650 yardımçının bir il müddətində lobbiçilik fəaliyyəti ilə məşğul olduqları və buna görə ABŞ Konqresindən istefa verdikləri qeydə alınmışdır. 2008-ci ildən bəri mövcud dolan qeyri-etik maliyyə təcrübəsi tədricən təqib edilməkdədir, məsələn, JPMorgan Chase apardığı düzgün olmayan fəaliyyətə görə ABŞ hökuməti tərəfindən $13 milyard həcmində cərimə olunmuşdur. ABŞ Hasilat sənayesinin şəffaflığına uyğun gələn qanun qəbul etməyi planlaşdırır. Korrupsiyanı Qavrama İndeksinə görə Kanadanın ən yaxşı ölkələr sırasında yer almasına baxmayaraq,  Senatın xərcləri və bir neçə korrupsiya halları və xidməti mövqedən sui-istifadə səbəbindən vətəndaşların dövlət məmurlarına olan etibarları azalmışdır. 

Qlobal korrupsiya səviyyəsi (1 = olduqca yüksək korrupsiya səviyyəsi; 10 = olduqca təmiz).

Qrafikdə Təsir Tendensiyasının Təhlilindən istifadə edilir; bu, 2012 Gələcək Hesablama İndeksinin bir hissəsidir (bax: Fəsil 2, SOFI 2012)