Qadınların hüquq və imkanlarının artırılması ötən əsrin sosial təkamülünün ən güclü təkanverici qüvvələrindən biridir və bəşəriyyət qarşısında duran bütün qlobal problemlərin həlli yolunda müstəsna əhəmiyyət kəsb edir. Getdikcə daha çox qadın siyasi-iqtisadi qərarların qəbul edilməsində iştirak edir, öz fikirlərini irəli sürür və hesabatlılıq tələb edirlər. Gender Bərabərsizliyinə dair Hesabat  ölkədə gender bərabərliyi və rəqabət səviyyəsi arasında birbaşa qarşılıqlı asılılığı, adambaşına düşən ÜDM-i və insan potensialı inkişafını göstərir. Kişi və qadın arasında məşğulluq baxımından fərqliliyin aradan qaldırılması ABŞ-da ÜDM-in 9% və Avrozonada 13% artmasına gətirib çıxarda bilər.  Fortune 500 kampaniyaları daha çox genderin tarazlaşdırıldığı idarəetmənin digər sahələri təxminən 50%  üstələyə biləcəyini göstərir. Bütün dünyada patriarxal strukturlarda daha çox problem mövcuddur. Tam şəkildə gender bərabərliyinə nail olunması prosesi qanılmaz bir haldır.

Seçmək hüququ demək olar ki, universal bir hüquqdur. Bütün dünyada qanunvericilik orqanlarında təmsil olunan qadınların faizi 21.3%-ə (1997-ci ildə 11.3%) çatmışdır; 31 ölkədə bu göstərici 30%-dən artıqdır və 29 ölkə isə qadınların milli və dövlət səviyyəsində siyasi iştiraklarını artırmaq üçün kvotadan istifadə edir. 273 parlament prezidentlərinin 13.9%-ni qadınlar təşkil edir, və UNESCO, Ümumdünya Səhiyyə Təşkilatı, BVF və ABŞ-ın Federal Ehtiyat Sistemi kimi nüfuzlu təşkilatlarına qadınlar rəhbərlik edirlər. Bununla belə, Social Watch versiyasına görə 2012-ci ilin Gender Bərabərliyi İndeksi göstərir ki, 154 qiymətləndirilən ölkə arasında biri gender bərabərsizliyini "tətbiq edilən" səviyyəyə azaltmamışdır. Dünya İqtisadi Forumunun 2013 Qlobal Gender Bərabərsizliyi Hesabatı da həmçinin xəbərdarlıq edir ki, 113 qiymətləndirilən ölkədən 86 ölkənin 2012-2013-cü illər arasında qlobal gender bərabərsizliyini yaxşılaşdırmalarına baxmayaraq, əksər ölkələr gender bərabərliyində olduqca zəif inkişaf göstərməkdədirlər. Səhiyyə və və təhsil sahəsində mövcud olan çatışmazlıqların müvafiq olaraq 96% və 93% azalmasına baxmayaraq, iqtisadi iştirak sahəsində bərabərsizlik yalnız 60% azaldılmış və bu göstərici bütün dünyada siyasi həlli yolları ilə bağlı yalnız 21% olmuşdur. İƏİT-nin  gender bərabərsizliyinin əsas səbəblərini, ayrı-seçkiliyə yol verən qanunları və sosial normaları nəzərə alan Sosial İnstitutlar və Gender Məsələləri İndeksi (SIGI) göstərir ki, ən yaxşı SIGI balansları olan ölkələrdə qadınların ödənişli iş yerlərində iştirakı 50%-ə yaxındır, lakin qadınların məşğulluğu baxımından yüksək ayrı-seçkiliyin olduğu ölkələrdə isə bu rəqəm 20%-dən bir az yuxarıdır. SIGI 2012 belə bir qənaətə gəlmişdir ki, müsbət addımlara baxmayaraq ayrı-seçkilik salan sosial strukturlar inadlı olmaqda davam edirlər; 121 qiymətləndirilən ölkədən 86 ölkə nəsildən-nəslə keçən ayrı-seçkilik qanun və ənənələrinə malikdirlər, yalnız torpaq sahələrinin 15%-i qadınların adına rəsmiləşdirilmişdir, 20% qadın ailə planlamasına kifayət qədər çıxışa malik deyil və qadınlara qarşı zorakılıq əməlləri davam edir.

Dünyanın 117 ölkəsi bərabər ödənişə zəmanət verən qanuna malikdirlərsə, yerdə qalan əksər ölkələrdə qadınlara eyni işə görə kişilərə nisbətən nəzərəçarpan dərəcədə az ödəniş edilir. İƏİT ölkələrində gözlə görünməyən sədlərin davam etməsi gəlir bərabərsizliyini daimi hala çevirir və burada kişilər eyni tam məşğulluğa görə qadınlara nisbətən 16% artıq, eyni yüksək ödənişli vəzifələrdə isə 21% artıq məvacib alırlar. Öz işlərini quran qadınlar kişilərə nisbətən 30-40% artıq qazanc əldə edirlər. İƏİT ölkələrində qadınlar bütün biznes sahələrinin təxminən 30% -də qazanc əldə edirlər. Qlobal miqyasda qadınlar təxminən korporativ idarəetmənin 9%-də məşğuldurlar, tədqiqatların əksəriyyəti qadınların çalışdıqları şirkətlərdə idarəetmənin yaxşı nəticələr əldə etdiklərini göstərmələrinə baxmayaraq, qadınlar qərar qəbul edilməsində daha çox korporativ yanaşmaya malik olurlar. Köhnə strukturların qorunub saxlanması və bir qayda olaraq, kollektiv məsuliyyətin ailə ənənələrinin bir hissəsinə çevrilməməsi nəticəsində, bir çox hallarda qadınların iqtisadi vəzifələrinə ənənəvi evdə işləmək vəzifəsi də əlavə olunur. Tədqiqatlar göstərir ki, əssən də inkişaf etmiş ölkələrdə körpə uşaqları olan gənc analar iki gəlir mənbəyi tələb edən həyat standartlarının orta səviyyədə təmin edilməsi üçün və buna ehtiyac olduğundan işləmək məcburiyyətində qalırlar. Bu da, qadınların çiyninə əlavə yük qoyur və bir çox halda onların durumlarını yaxşılaşdırmır. Bundan əlavə, qadınlar bütün regionlarda qeyri-rəsmi və ya ödənişli olmayan işlərin böyük hissəsini yerinə yetirirlər və onlar bu cür işlərdə çalışan 1.52 milyard insanın 50.5%-ni təşkil edirlər və çox zaman da hüquqi və iqtisadi müdafiə baxımından çatışmazlıqla qarşılaşırlar.  

Qadınlar ailələrində ev işlərinin böyük hissəsini görür və tərbiyəçi qismində fəaliyyət göstərirlər. Buna görə də, qadınların gələcək karyeraları və onların ailə öhdəlikləri arasında harmoniya yaradılmasına kömək etmək üçün ən yaxşı prinsiplərin və sosial strukturların hazırlanmasına ehtiyac duyulur. Məşğulluğun baza hüquqlarının, eləcə də uşaqlara baxılması üçün  məktəbəqədər müəssisə və evlərin təmin edilməsi qadınların vəziyyətlərinin yaxşılaşdırılmasına dair strategiyaların ayrılmaz hissəsi olmalıdır.

Yoxsulluq şəraitində yaşayan insanların təxminən 70%-i qadınlardan ibarətdir və bu qadınların əksəriyyəti kənd ərazilərində yaşayırlar. Kənd təsərrüfatının işçi qüvvəsinin əhəmiyyətli hissəsini təmsil etməklə təxminən 500 milyon kənd qadını kiçik torpaq sahələrinə malikdirlər, yaxud da  torpaqsız fəhlələr kimi çalışırlar və nəticədə kənd təsərrüfatına dair biliklərin yayılması xidmətlərinin yalnız 5%-dən yararlana bilirlər.  Ərzaq və Kənd Təsərrüfatı Təşkilatının qiymətləndirmələrinə görə kişilər kimi  istehsal resursları və aktivləri üzərində mülkiyyət hüququna və onların idarə edilməsi hüququna malik olunması inkişaf etməkdə olan ölkələrdə kənd təsərrüfatı istehsalını 4% artırmaqla ərzaq təhlükəsizliyini təmin edəcək və ac qalan əhalinin sayının 100-150 milyona düşməsinə gətirib çıxardacaq. Mikrokreditlərin əksər hissəsi biznes fəaliyyətləri çox vaxt kiçik miqyasda olan yoxsul qadınlara verilir; onların gəlirlərinə təsir edəcək biznes səviyyəsinə çatmaları üçün sahibkarlıq vərdişlərinə  yiyələnməyə ehtiyacları olur.

Qlobal istehlak xərclərinin 70%-dən çoxuna nəzərdə tutulan nəzarət bazarda mövcud olan üstünlük və mədəniyyətə güclü təsir göstərir.

  Təhsil sahəsində gender fərqliliyi demək olar ki, azalmaqdadır və hətta bəzi ölkələrdə qızlar adətən oğlanlardan yaxşı oxuyurlar və buna görə də orta və ali təhsil almağa meyllidirlər. Qadınların çoxluq təşkil etdikləri Yaponiya və Səudiyyə Ərəbistanı kim fərqli ölkələrdə qadınlar fəlsəfə doktoru dərəcəsi almış, lakin iş yerlərində yüksək vəzifə tutmayan  qadınlar arasında "qadın beyni axını" kimi hal adi hala çevrilmişdir. Əhəmiyyətli uğurlara baxmayaraq, 2011-ci ildə gənc qadınların əsas savadlılıq səviyyəsi gənc kişilərlə (92.2%) müqayisədə 86.8% təşkil etmişdir. Qadınlar əvvəlkitək 773.5 milyon savadsız böyüklərin 64%-ni və 123.2 milyon gənc təhsilsiz əhalinin 61.3%-ni təşkil edirlər. 8000 milyondan yuxarı qadın iqtisadi imkanlarının yaxşılaşdırılması üçün zəruri olan bacarıqlara malik deyillər. Səhiyyə ilə bağlı gender fərqliliyi ümumilikdə aradan götürülmüşdür, lakin qadınlara xarakterik olan problemlər hələ də qalmaqdadır. Son iki onillik ərzində ana ölümü 47% azalmışdır. Bununla belə, Ümumdünya Səhiyyə Təşkilatı 2013-cü ildə 289,000 qadının hamiləlik və ya doğuşla bağlı yaranmış fəsadlar nəticəsində dünyalarını dəyişdikləri haqda məlumat verir. Qadın ölümünün qlobal əmsalı 100,000 doğuşdan 210 ölüm təşkil edir və bu hal doğuş göstəricisinin yüksək olduğu, lakin zəif səhiyyə sistemləri olan Afrika və Asiyanın bəzi hissələrində geniş yayılmışdır. İnkişaf edən ölkələrdə hamiləliklə bağlı ölüm halı riski sənaye ölkələrinə nisbətən 25 dəfə çoxdur, və kənd yerlərində dünyaya uşaq gətirən qadınlar şəhər mərkəzlərində dünyaya uşaq gətirən qadınlara nisbətən 3 dəfə çox riskə məruz qalırlar. Təxminən 10 milyon insan hər il hamiləliklə bağlı infeksiya, xəstəlik və digər xəsarətlərdən əziyyət çəkir. Qadınların reproduktiv hüquqlarının tanınması və səmərəli ailə planlaması anaların ölüm hallarını aradan qaldırmaq və 2015-ci ilə ana ölümünü 100000 diri doğuş halına 120 ölüm halı azaltmaq kimi  Minilliyin İnkişaf Məqsədlərinə nail olaq üçün olduqca vacibdir.  Water Aid məlumat verir ki, şəhər gecəqondularında yaşayan üç qız və ya qadından biri ayaqyoluna çıxışa malik deyil və yararsız, yaxud da açıq ayaqyoluları fiziki və cinsi zorakılıq riskini artırır.

Vulvada aparılan əməliyyat səbəbindən hər il artıq xəsarət almış 140 milyon qadının sırasına  xəsarət alan 3 milyon qız uşağı əlavə edilir və bu başlıca olaraq Afrika və Yaxın Şərqdə və Asiyanın bəzi regionlarında baş verir. BMT-nin Əhali Fondu hesab edir ki, əgər bu hal davam edərsə, onda 2030-cu ilə bütün dünyada  daha 86 milyon gənc qız bu adətin qurbanına çevriləcək. BMT-nin və qeyri-hökumət təşkilatlarının birgə səyi nəticəsində haradasa 8000 cəmiyyət vulva əməliyyatını / qadınların sünnət edilməsini kimi əlilliyə gətirib çıxardan əməliyyatları  dayandırmış və təxminən 3000 dini rəhbər isə bu cür hala qarşı çıxmışdır.  BMT-nin yeni qətnaməsi ABŞ-ı qadınların sünnət edilməsinə qadağa qoyulması üçün bütün tədbirləri, habelə qanunvericilik tədbirlərinin görülməsinə çağırmışdır.

Hazırda qadınlara qarşı zorakılıq əməlləri hər il ölüm və bədbəxt  hadisələr nəzərə alınmaqla ən böyük müharibə hesab olunur. Dünya miqyasında 35% qadın fiziki və / və ya cinsi zorakılığa məruz qalmış və 38% qadın isə həyat yoldaşları tərəfindən qətlə yetirilmişdir. 125 ölkənin məişət zorakılığını cəzalandıran qanuna malik olmalarına baxmayaraq, 70%-dək qadın hələ də ömürləri boyu fiziki və / və ya cinsi zorakılığın qurbanı olaraq qalır və 603 milyon qadın isə məişət zorakılığının qanun tərəfindən cəzalandırılmadığı ölkələrdə yaşayır. Demək olar ki, bütün dünyada bu cinayət əməllərinin cəzasız qalması barədə məlumat verilir. İnsan alveri qurbanlarına çevrildikləri hesab olunan 800000 insanın 80%-nin qadındır, bunların da 79%-i cinsi istismar məqsədilə satılırlar. Məktəblər qızlar üçün bədən tərbiyəsi dərslərinə döyüş üsulları və digər özünümüdafiə formalarını daxil etməlidirlər. Analar cinsləri bərabər şəkildə tərbiyə etmək üçün ailədə tərbiyəvi üsullardan istifadə etməlidirlər. Qadın hüquqlarının pozulmasına məhkəmə təqibi və beynəlxalq sanksiyalar tətbiq edilməlidir. BMT-nin Məqsəd Fondunun qadınlara qarşı zorakılıq əməllərinə aradan qaldırılması üçün ayırdığı qrantlar  dünyanın 86 ölkəsində 6 milyon insanı əhatə edir.

Qətnamə müharibə şəraitində yaşayan və sülhün bərqərar olmasında fəal iştirak edən 1325 qadını müdafiə edir və BMT-ni münaqişədən sonrakı şəraitin yaxşılaşdırılması üçün ayrılmış büdcənin 15%-i də bunun üçün nəzərdə tutulmuşdur. Beynəlxalq müqavilələr və BMT-nin xüsusi təşkilatları da qadın hüquqlarını fəal şəkildə müdafiə edirlər. Ənənəvi kütləvi informasiya vasitələri gender stereotipləri ilə mübarizə aparmırlar və qadınlar mətbuatın rəhbər vəzifələrində zəif təmsil olunurlar. Buna baxmayaraq, mobil telefonlar üçün nəzərdə tutulmuş İnternet saytları getdikcə daha çox qadınlara qarşı zorakılıq əməlləri ilə bağlı qlobal məlumatların verilməsi üçün istifadə edilir və zorakılıq əməlləri barədə məlumat vermək üçün proqramlar təqdim edilir, zorakılığın baş verdiyi yerlər və kömək almaq  üçün necə müraciət edilməsi haqda məlumat verilir (məsələn, Safecity - Zorakılığa Məruz qalan Qadınlar Layihəsi, və Harrass Xəritəsi). Qlobal təhlil göstərmişdir ki, mobil telefonlar 93% qadının özlərini daha təhlükəsiz hiss etmələrinə yardım etmiş və 885% qadın isə daha müstəqil olmuş, eyni zamanda 41% qadın iqtisadi imkanlarını yaxşılaşdırmışdır.  Minilliyin İnkişaf Məqsədləri layihəsinin stereotiplərin dəyişdirilməsi ilə bağlı  bu yaxınlarda apardığı tədqiqat belə bir qənaətə gəlmişdir ki,  növbəti bir neçə onillik ərzində gender stereotiplərində ləng, lakin kütləvi dəyişikliklər baş verəcək.(Bax: "Tədqiqatlar" bölməsində "Gender stereotiplərində dəyişiklik).

Gender məsələləri ilə bağlı  ayrı-seçkiliyə qarşı qanunlar qəbul edildiyi, qadınlara qarşı ayrı-seçkilik və zorakılıq hallarına qarşı məhkəmə təqibi tətbiq edildiyi, bütün ölkələrdə qadınların milli qanunvericilik orqanlarında 30% + təmsil edilmələri məqsədinə nail olunduğu və inkişaf strategiyalarına bütün sektorlarda gender bərabərliyi daxil edildiyi zaman Çağırış 3-ə ciddi şəkildə müraciət ediləcək.

Regional Mülahizələr

Afrika:  CAR-dan olan doktor Nkosazana Dlamini-Zuma Afrika İttifaqı Komissiyasının ilk qadın sədri olmuşdur. Subsahara Afrikasında qadınlar qanunvericilik orqanlarında 21.7%-lə təmsil olunurlar  , Ruanda da isə parlament üzvlərinin böyük əksəriyyəti qadınlardan ibarətdir. 2013-cü il tarixli Qlobal Gender Fərqliliyi İndeksində Subsahara Afrikasının dörd ölkəsi nisbətən yüksək cərgələrdə yer alır: Lesoto (16), Cənubi Afrika (17), Burundi (22) və Mozambik (26). Bu, qadınların məşğulluq sahəsində artan iştirakı ilə bağlıdır, lakin bu trend aşağı ixtisaslı və aşağı ödənişli işlərdə müşahidə olunur. Hazırda, regionda orta doğum səviyyəsi 5.1 faiz təşkil edir və gözlənildiyi kimi, əsrin ortalarında 3 faizdən aşağı düşməyəcək. Hər gün baş verən 800 ana ölümü halının 55%-i Subsahara Afrikasının payına düşür və dünyada baş verən  ana ölümü hallarının əksər hissəsi, hər 100,000 doğuşa 1,000 ölüm halının təsadüf etdiyi bəzi ölkələr daxil olmaqla, bu regionun payına düşür. "Uşaqları Xilas Edin" proqramına uyğun olaraq Nigeriya ana olmaq üçün  Yer kürəsində ən pis ölkə sayılır. Afrika və Yaxın Şərqin 29 ölkəsində 125 milyondan yuxarı qadın və qız qadın sünnətinin qurbanına çevrilmişdir. Kənd təsərrüfatı işləri ilə 52% qadının məşğul olmasına baxmayaraq, onlar torpaq sahəsinə malik deyillər, eləcə də xarici şirkət və ya ölkələrin torpaq sahələrini ələ keçirmələrindən əziyyət çəkirlər. Şimali Afrikada (32% müqabilində 55%), Yaxın Şərqdə (27% müqabilində 41%) və Subsahara Afrikasında (70% müqabilində təxminən 85%) kişilərə nisbətən qadınlar daha çox hüquqlarının pozulduğu işlərdə çalışırlar. Cənubi Afrikada hər il cinsi xarakterli təxminən 60,000 hücum halı müşahidə olunur.

Asiya və Okeaniya: Yaponiya kimi ölkələrdə yüksək gəlir və təhsil səviyyəsi köhnə ailə strukturlarına meydan oxuyur; çoxlu sayda qadın ərə getmir. Əgər ÜDM 16% artarsa, və əgər qadın və kişilərin iqtisadi sahədə iştirak sayı bərabər olarsa, Yaponiya qarşısına qadınların parlamentdə iştirak payını hazırkı 9%-dən 2020-ci ilə 30%-ə artırmaq məqsədi qoymuşdur. Koreya Respublikası ilə birgə (burada qadınlar 10% rəhbər vəzifə tuturlar) Yaponiya qadınların karyera imkanlarının yaxşılaşdırılması üçün Gender Məsələləri üzrə Məqsədli Qrup yaratmışlar.

Qlobal Gender Fərqliliyi İndeksində qiymətləndirilən 133 ölkə arasında Yaponiya 105-ci, Koreya Respublikası isə 111-ci yerdə yer alır. Şərqi Asiya və Okeaniya demək olar ki, ibtidai, orta və ali məktəblərə qəbulla bağlı oğlan və qızlar arasında fərqliliyi aradan qaldırıblar; bəzi ölkələrdə isə qızların sayı oğlanların sayından çoxdur.  Bununla belə, UNESCO-nun məlumatlarına görə 2012-ci ildə Cənubi Asiyada ilkin məktəb təhlili ilə bağlı yalnız Şri-Lanka və Banqladeş gender məqsədlərinə nail olmuşlar. Cənubi Asiyanın bütün ölkələrinin Qadınlara Qarşı Ayrı-Seçkilik Hallarının Bütün Formalarının Ləğvi haqqında Konvensiyanı qəbul etmələrinə baxmayaraq, BMT-nin İnkişaf Proqramı məlumat verir ki, regionda gender bərabərsizliyi insan potensialını 60.1% aşağı salır, eyni zamanda Ümumdünya Səhiyyə Təşkilatı qeyd edir ki, dünya üzrə ana ölümünün 30%-i bu regionun payına düşür və bu göstərici üzrə ikinci yeri tutur və bu da əsas etibarı ilə ikili hüquqi və dini sistemin mövcudluğu ilə bağlıdır. Əsasən, Asiyanın bir çox hissələrində ikili hüquqi və dini sistem səbəbindən məcburi evlilik, zorakılıq, varisliklə və torpaq sahəsinə yiyələnməklə bağlı ayrı-seçkilik, cehiz problemi və namusun qorunması görə ölüm halları əvvəlkitək geniş şəkildə yayılmış və cəzasız qalmaqdadır. 2013-cü ildə Əfqanıstanın konservativ parlament üzvləri İslama ziddiyyət təşkil etdiyindən Qadınlara qarşı Zorakılıq Hallarının Ləğv edilməsi haqqında Qanunun ləğv edilməsini tələb etmişlər. "Gənc kişiləri sosial media vasitəsilə qadınlara qarşı zorakılıq əməllərinin aradan qaldırılmasına cəlb edilməsi" layihəsi Asiya və Okeaniyada sosial medianın köməkliyi ilə gender əsaslı zorakılıq hallarına son qoyulmasına çalışır. Oğlanlara üstünlük verilməsi regionda çoxlu sayda ölkəni narahat etməkdədir; 2011-ci ildə Hindistanda aparılmış əhalinin siyahıya alınması uşaqlar arasında cinsi əlamətlərinə görə qeyri-bərabərlik aşkar etmişdir, hər 1000 oğlana cəmi 914 qız düşür. Çində 2003-cü ildən 2005-ci ilədək keçirilmiş  "Qızlara Qayğı" proqramı cinsi baxımdan qeyri-bərabərliyi azaltmağa çalışmışdır. UNICEF-in məlumatlarına görə Nepal və Hindistanın bəzi rayonlarında təxminən qızların 40%-i erkən yaşlarında ailə qururlar. Lakin, pançayatlarda (yerli kənd şuraları) milyondan artıq hindli qadının  iştirak etməsi sayəsində bu qeyri-etik adətin dəyişdirilməsi gözlənilir. Asiyanın  qanunvericilik orqanlarında qadınlar 18.5%, Sakit okean hövzəsində isə 15,9% təmsil olunurlar. Siyasi kvota qəbul edildikdən sonra Qırğızıstanda qadınların parlamentdə sayı 2005-ci ildə 0%-dən 2010-cu il seçkilərindən sonra 23.3%-ə çatmışdır.   Ərəbistanın qanunvericilik orqanlarında qadınların sayı 2010-cu ildə 3.6%-dən 2013-cü ilin dekabr ayında 15.9%-ə qalxmışdır, lakin bir çox ərəb ölkələrində qadınların hüquq və azadlıqları aşağı səviyyədə qalmaqda davam edir. Qətərin qanunvericilik orqanlarında qadın yoxdur, Yəmən və Omanda isə yalnız bir qadın iştirak edir. Səudiyyə Ərəbistanında bu cür ayrı-seçkiliyin davam etməsinə baxmayaraq, qadınlara ilk dəfə olaraq 2015-ci ildə keçiriləcək bələdiyyə seçkilərində iştirak etməyə və vəzifə tutmaq üçün öz namizədliklərini irəli sürməyə söz verilib. 2013-cü il Qlobal Gender Fərqliliyi İndeksində Ərəbistan ölkələri aşağı yerləri tutmaqda davam edirlər. Ərəb regionlarında əvvəlkitək pərəncə və namus ənənələri üstünlük təşkil edir.  Lakin, Malala Yousafzai-nin timsalında bu cür ənənələrə qarşı getdikcə daha çox səsin ucaldığı müşahidə olunur.

Avropa: Avropada aparılan struktur dəyişikliklərdə gender məsələsi mərkəzi yer tutur. Qadınlar Avropa Parlamentində 36%, Avropa Komissiyasında 32% yerə malikdirlər və AB-nin 28 prezidentinin dördü qadındır (Danimarka, Almaniya, Litva və Sloveniya). Milli parlament üzvlərinin 27%-i qadınlardan ibarətdir, 28 ölkənin 13-nin parlament üzvlərinin 33%-ni qadınlar təşkil edirlər. İslandiya, Finlandiya, Norveç və İsveç gender fərqliliyinin 81% və 83% azaldaraq 2013-cü il Qlobal Gender Fərqliliyi indeksində ən yüksək yerləri tuturlar. AB-28 ölkələrinin ən iri məşhur şirkətlərinin direktor şuralarında qadınların faizi 17% təşkil edir (2010-cu ildə 11.8%), ən yüksək göstəricilər İslandiya (49%) və Norveçdədir(42%). AB Komissiyasının gələcəkdə planlaşdırılacağı direktivi şirkətlərdən rəhbər vəzifələrdə 2015-ci ilə 30% və 2020-ci ilə 40% qadın təmsilçinin olmasını tələb edəcək. AB-də qadınların universitet məzunları arasında faizləri 60% təşkil edir və 2012-ci ildə 77.5% kişilərlə müqayisədə orta hesabla 83% qadın ali məktəbi bitirmişdir. Lakin, qadınlar kişilərlə müqayisədə yerinə yetirdikləri eyni işin 1 saatına 16% az məvacib alırlar və hətta bu göstərici ildə 31%-dən də aşaрı olur, 32.6% qadın natamam iş qrafikində çalışırlar. Bu həm də 65 yaş və daha artıq yaşda olan qadınların 23%-nin ahıllıq dövrünə təsir göstərir və 17% kişilərlə müqayisədə yoxsulluq riski ilə üzləşmələrinə gətirib çıxardır (2011-ci il üzrə məlumatlar). Böyük Britaniyada yalnız 14% KOM-a (kiçik və orta müəssisələr) qadınlar rəhbərlik edirlər, və Aspire Fondu qadınların biznes təşəbbüslərini dəstəkləmək üçün təsis edilmişdir. Almaniyada qadınların 2017-ci ilə 30% mətbuatda rəhbər vəzifə tutmaları ilə bağlı kampaniya başlanmışdır. Polşanın ümumxalq seçkilərinə yerli namizədlərin yalnız 35%-nin qadınlar olması barədə qərar qəbul etməsinə baxmayaraq, son seçkilərdə Parlamentdə qadınların faizi 23.7% təşkil etmişdir. Rusiya qanunvericiliyi qadınların parlamentdə 30%-dən az olmayaraq (hazırda 13,6% ilə müqayisədə) yer almalarını, eləcə də kişilərə ailədə rollarını artırmaq üçün imtiyazlar verilməsini təklif edir.

Latın Amerikası: Qadınların Latın Amerikası parlamentlərində iştirakları bir çox ölkələrdə kvotanın tətbiq edilməsi nəticəsində yaxşılaşmışdır. Regionda ən inkişaf etmiş ölkələrin bəzilərində, məsələn Argentina, Braziliya, Kosta-Rika və Çilidə qadınlar dövlət rəhbəri seçilmişlər. Mərkəzi Amerika Parlamenti üzvlərinin 21.6%-ni qadınlar təşkil edirlər. Meksika Konqresi üzvlərinin 36.8%-i qadınlardan ibarətdir və prezident islahatları təşəbbüsü bütün siyasi partiyalarda 50% qadınların iştirakını özünə daxil edir. 2013-cü il Qlobal Gender Fərqliliyi qeyd edir ki, regionda  ümumi gender fərqliliyi 70% Nikaraqua (10), Kuba (15) və Ekvadorla (25) bağlı aşağı düşmüş, Qvatemala (114), Surinam (110) və çili (2013-cü ildəki 91 yerdən 2009-cu ildə 64-cü yerə düşmüş) isə bu baxımdan ən aşağı reytinqə malik ölkələr sayılır. Kişilərə nisbətən daha çox qadın regionda təhsilə malikdir, lakin əmək haqqında fərqlilik qalmaqdadır. İqtisadi və siyasi inkişafa baxmayaraq, qadınların rifahı kişilərin çoxluq təşkil etdikləri strukturlarda çətinləşdirilməkdə davam edir. Qadınlar müxtəlif formalarda mütəşəkkil cinayətkarlığın qurbanlarına çevrilirlər, lakin onlar həm də bu cür hallara qarşı mübarizədə daha əhəmiyyətli rola malikdirlər. Kənd və yerli qadınlar ən azı gündə 16 saat çalışır və onların əməyi çox vaxt ödənilmir. Məhdud qanunvericilik nəticəsində anaların ölüm hallarının üçdə biri abort nəticəsində baş verir və anaların ömür boyu ölüm riskləri 0.4% təşkil edir. Qadınların qətlə yetirilməsi regional problem olaraq qalır; minlərlə qadın öz ərləri və qohumları tərəfindən qətlə yetirilir və bu cür hallar cəzalandırılmamış qalır.

Şimali Amerika: ABŞ-da qadınların təxminən 10%-i, Kanadada isə 31% həyat yoldaşlarından çox qazanırlar. Kanadada müstəqil fəaliyyət göstərən insanların üçdə birini qadınlar təşkil edirlər. Kişilərə nisbətən getdikcə daha çox qadın universitet məzunudur, buna baxmayaraq ABŞ-da top-menecerlərin yalnız 15%-ni qadınlar təşkil edirlər, və qadınlar  kişilərə nisbətən 30% az məvacib alırlar. Orta hesabla, qadınlar kişilərin eyni işə görə aldıqları məvacibin 82%-ni alırlar; bu faiz Afroamerikalı qadınlar üçün 64%, və Latın-Amerikası qadınları üçün isə 55% təşkil edir. Qadınların Siyasi Tədqiqatı İnstitutunun apardığı təhlil göstərir ki, əgər qadınlar kişilərlə eyni səviyyədə aparılan işə görə eyni səviyyədə məvacib alsalar, onda işləyən qadınlar arasında yoxsulluq səviyyəsi 8.1%-dən 3.9%- düşəcək və ölkənin ÜDM-i 3% artacaq. Hələ təsdiq edilməmiş "Məvacibdə Ədalətlilik" haqqında Qanun layihəsi əməyin ödənişində gender ayrı-seçkiliyinə qarşı yönəlmişdir.  Qadınların ABŞ-ın qanunvericilik orqanlarında təmsil edilməsi yalnız 17.9% təşkil edir, Kanada da isə bu göstərici 24.7%-dir. Həm Amerika, həm də Kanada hökumətləri qadınlar üçün ailə planlaması üzrə daxili və xarici proqramlarda kritik ixtisarlar etmişlər.

ABŞ ən bahalı doğuşların keçirildiyi, ən bahalı uşaq bağçalarının olduğu və ən qısa valideyn məzuniyyətlərinin (2012-ci ildə  özəl sektorların yalnız 11% işçisi ailə vəziyyətinə görə ödənişli məzuniyyət hüququndan yararlana bilmişdir) olduğu ölkələr sırasında yer alır. Hazırda, bu məsələ daha önəm kəsb edir, belə ki bir valideyni olan ailələrin faizi 1950 -ci ildəki 7.4%-dən 2013-ci ildə 32%-ə yüksəlmişdir (Afroamerikalılar arasında demək olar ki, 60%); ABŞ-da 30 yaşından aşağı qadınlar arasında 50% doğuş nikahdan kənar baş verir və təxminən 4 milyon aşağı gəlirli qadın və tənha analar işsizdirlər və heç bir maliyyə köməkləri yoxdur. Kanada illik ödənişli analıq məzuniyyəti tətbiq edir, lakin hələ də adekvat ailə dəstəyi problemini həll etməmişdir, məsələn  uşaqlara qayğı  və xəstəlik məzuniyyətləri.

Sorğu aparılmış yeni valideynlərin 40%-dən çoxu dekretə çıxa bilmədiklərini və dekretə çıxmış və işə qayıtmış 81%-i isə mümkün olsaydı dekret müddətini uzatmaq istədiklərini bildirmişlər. 6 yaşlı və daha yuxarı yaşlı uşaqları olan və işləyən qadınların sayı 1975-ci ildəki 46%-dən 2012-ci ildəki 80%-ə yüksəlmiş, uşaqlı qadınlar orta hesabla uşaqları olmayan qadınlardan 12% az məvacib alırlar. ABŞ-da qadınlara qarşı zorakılıq halları 1994-cü ildə Qadınlara qarşı Zorakılıq Əməllərinin Dayandırılması haqqında Qanun qəbul edildiyi vaxtdan 55% azalmışdır. Ağ Ev qadınlara qarşı zorakılıq əməllərinin dayandırılmasına yardım kimi http://www.circleof6app.com/  saytı açmışdır.

Milli parlamentlərdə qadınların sayı (bütün parlamentarilərin %-i)

Qrafikdə Təsir Tendensiyasının Təhlilindən istifadə edilir; bu, 2012 Gələcək Hesablama İndeksinin bir hissəsidir (bax: Fəsil 2, SOFI 2012)

Mənbə: Parlamentlərarası İttifaq